Advertisement
 
 
 
 
 
 
 
 

Ubukungu

Amakoro yabaye imari ikomeye mu ntara y’Amajyaruguru   

  Yanditswe na NGABOYABAHIZI PROTAIS
 23 April

 
 

Intara y’Amajyaruguru ni igice kiganjemo amabuye azwi ku izina ry’amakoro.Abaturage bahaturiye bavuga ko hashize imyaka myinshi bataramenya akamaro kayo, ariko kuri ubu ngo bahishuriwe ko ari ubukungu bwinshi, kuva aho baboneye inganda ziyatunganyamo ibikoresho byifashishwa mu bwubatsi.

Baributsa Joseph, umuturage wo mu karere ka Musanze, yagize ati:“Aya makoro twayabonagamo ikibazo gikomeye kubera ko yatubangamiraga mu guhinga, ariko ubu noneho yabaye koruta n’ikawa muri uru Rwanda.

Wakabonye aho ubu ngubu ikamyo y’amakoro igura amafaranga ibihumbi 23, ubu igishoro ni umurima wawe gusa, ubundi abana bakabona amafaranga y’ishuri.Maze kuzuza inzu no kugura umurima mbikuye ku makoro”.

JPEG - 261.7 kb
Amakoro yafatwaga nk’umutwaro ubangamiye abahinzi, ariko ubu yahindutse imari ishyushye

Uyu muturage yongeraho ko uretse no kuba amakoro abaha amafaranga, yabahaye n’akazi aho bamwe bakora muri izi nganda ziyatunganya, ndetse n’abayakoresha mu mihanda ubu imwe iri gukorwa mu mujyi wa Musanze.

Kuri ubu umujyi wa Musanze uri gukorwamo umuhanda wa km 2,5 hakoreshejwe gusasamo amapave yakozwe mu makoro.

Guverineri Bosenibamwe Aime, avuga kuri iki kibazo yagize ati:“Uretse ababwira ko Intara y’Amajyaruguru ibamo imyaka ihagije, ibyiza bitatse u Rwanda, no mu butaka harimo ubukungu, aya makoro ni ubukungu bw’abanyarwanda, nimuyabyaze umusaruro mwifashije ikoranabuhanga, arimo byinshi, kuko ibikoresho bivamo byubaka ibiramba”.

Steven Mateka, ni umwe mubumvise impanuro maze ashora imari mu makoro, aho avuga ko gutunganya amakoro ayakuramo amatafari, amakaro, amapave n’ibindi, byamuteje imbere.

Yagize ati:“Buriya amakoro afite inyungu benshi batazi, iyo riconzwe neza rirubaka, ibisigazwa byayo umuntu abikoresha iyo ari gusasa mu nzu mu gihe cyo gushyiramo sima, havamo umucanga, urumva rero ko ubukungu twakomeje kuburebesha amaso, ariko ubu igihe kirageze ngo abafite amakoro turebe kure”.

Kuri ubu mu ntara y’Amajyaruguru habarurwa inganda zigera kuri 3 zitunganya amakoro ziyabyaza umusaruro, kandi bitanga akazi mu baturage.

 

Comments

Who are you?
Your post
  • To create paragraphs, just leave blank lines.

 
 
Hafashwe toni 7 za caguwa zinjizwaga mu Rwanda ari magendu
Hafashwe toni 7 za caguwa zinjizwaga mu Rwanda ari magendu

Ishami rya Polisi y’u Rwanda rishinzwe kurwanya magendu n’inyerezwa ry’imisoro (RPU), rifatanyije n’ikigo cy’igihugu cy’imisoro n’amahooro (RRA), bataye muri yombi abantu 3 bakekwaho kwinjiza ibiro (...)

Abavuzi gakondo bagiye gushinga uruganda rw’imiti na banki
Abavuzi gakondo bagiye gushinga uruganda rw’imiti na banki

Abavuzi bo mu Rwanda no mu bindi bihugu bya Afurika y’Uburasirazuba, bibumbiye mu Muryango Mugari w’Abavuzi Gakondo, UMUAGA, batangiye kwiga ku mishinga ikomeye y’igihe kirekire irimo ibitaro (...)

Nyamagabe: Umudozi yasabiwe guhuzwa n’Abashinwa bakora imyenda
Nyamagabe: Umudozi yasabiwe guhuzwa n’Abashinwa bakora imyenda

Minisitiri w’Abakozi ba Leta n’Umurimo Uwizeye Judith, yasabye ubuyobozi bw’Akarere ka Nyamagabe gukorana na Minisiteri y’Ubucuruzi n’Inganda gufasha umudozi wahangiye imirimo abaturage benshi muri (...)

Abanyarwanda 920 bamaze kwizigama by’igihe kirekire asaga miliyari
Abanyarwanda 920 bamaze kwizigama by’igihe kirekire asaga miliyari

Ikigo gishinzwe Ibigega by’Umugabane ku Ishoramari (RNIT Iterambere Fund) cyatangaje ko Abanyarwanda 920 ari bo bashoye imari mu igurisha rya mbere bizigama by’igihe kirekire amafaranga y’u Rwanda (...)

Ukwakira 2016: Ibiciro mu mijyi y’u Rwanda byiyongereyeho 7.4%
Ukwakira 2016: Ibiciro mu mijyi y’u Rwanda byiyongereyeho 7.4%

Ikigo cy’Igihugu gishinzwe ibarurishamibare mu Rwanda (NISR) cyatangaje ko igipimo cy’ihindagurika ry’ibiciro mu kwezi kw’Ukwakira 2016 cyagaragaje ko ibiciro mu mijyi Ibiciro mu mijyi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.