Advertisement
 
 
 
 
 
 
 
 

Ubukungu

Abavuzi gakondo bagiye gushinga uruganda rw’imiti na banki   

  Yanditswe na IMVAHO NSHYA
 1 week ago

 
 

Abavuzi bo mu Rwanda no mu bindi bihugu bya Afurika y’Uburasirazuba, bibumbiye mu Muryango Mugari w’Abavuzi Gakondo, UMUAGA, batangiye kwiga ku mishinga ikomeye y’igihe kirekire irimo ibitaro gakondo, banki n’uruganda rw’imiti.

Mu nama yateranyije abagize uwo muryango ku cyumweru ku ya 20 Ugushyingo 2016, bahurije ku bitekerezo byo gusigasira ubuzima bw’abaturage no guteza imbere ibihugu byabo.

Umuyobozi wa UMUAGA International Medicine, Sibomana Jean Bosco, yasobanuye ko bashaka gushinga banki ishingiye ku migabane ya buri munyamuryango, ikazabafasha kwiteza imbere binyuze mu nguzanyo n’andi mahirwe yagenewe abanyamigabane.

JPEG - 120.4 kb
Mu bavuzi gakondo ba UMUAGA harimo n’abanyamahanga

Sibomana vuga ko iyo banki izakomoka mu bwitange bw’abo bavuzi gakondo, binyuze mu bimina bazanyuzamo amafaranga yo kwizigamira.

Ati “Twizeye kuzuzuza imigabane n’ibindi bisabwa ngo dushinge banki izaba isoko y’iterambere ku bavuzi gakondo n’abandi banyarwanda n’abanyamahanga bafite inyota yo kugera ku bukire bazifuza kuyiguramo imigabane kuko nabo twabakinguriye amarembo.”

Bazashinga ibitaro mpuzamahanga

Aba bavuzi banagaragaje icyifuzo cyo gushinga ibitaro bahuriyemo byo ku rwego mpuzamahanga, bizajya bikoramo abavuzi gakondo bafite impano kurusha abandi bakazikoresha mu nyungu z’abaturage b’ibihugu byo mu karere.

Irakoze Desire, umuvuzi gakondo uri mu muryango UMUAGA, ukomoka mu Burundi, avuga ko ibyo bitaro bizafasha mu gusangira ubumenyi, kuko nk’abavuzi bo mu gihugu cyabo hari byinshi bakeneye kwigira ku Rwanda.

Ati “ Hari nk’imiti iba mu Rwanda ntibe mu Burundi, kandi natwe hari iyo dufite itaba mu Rwanda, nidushinga ibitaro abaturage b’ibihugu byacu bazahungukira, kandi natwe ni uko.”

JPEG - 111.8 kb
Komite nyobozi y’abavuzi Gakondo bibumbiye muri UMUAGA

Umunyamabanga wa UMUAGA, Safari Adrien, yabwiye Imvaho Nshya ko, ibyo bitaro bizajyana n’umurima rusange uzaterwamo ibimera bibyara imiti uzaba uhuriwemo n’ibihugu byose byo mu karere.

Yasobanuye ko hari ibimera byinshi biri gucika bikeneye gusigasirwa, kuko bivura indwara zikomeye muri aka karere zirimo umwijima, urwagashya, igifu, uburozi n’izindi.

Ati “Muri uwo murima wacu buri muvuzi ufite umugabane muri UMUAGA azaba yemerewe gusarura umuti akeneye, awukoreshe, hari imiti myinshi yatangiye kubura kubera iyangirika ry’ibidukikije, dushaka guhanahana imbuto tukayitera.

JPEG - 255.7 kb
UMUAGA ifite ishami muri buri karere k’u Rwanda

Ibi bishimangirwa na Visi-Perezida w’uyu muryango, Nteziryimana Daniel uvuga ko uwo murima bazawagura, ibimera byawo bikabyazwamo imiti izakorerwa mu ruganda bateganya gushinga.

Yongeyeho ko bafite umwihariko bazakoresha mu ruganda, kuko hari imashini zihariye bazakoresha ku buryo imiti izavamo ari gakondo y’umwimerere.

Minisiteri y’ubucuruzi n’inganda iherutse gutangaza ko ishaka ko imiti gakondo yazajya ikorerwa muri nganda kugira ngo abavuzi gakondo babone inyungu kandi banabashe guha abanyarwanda imiti yujuje ubuziranenge ku rwego mpuzamahanga.

Umuryango Mugari w’Abavuzi ba Gakondo, UMUAGA, ugizwe n’abanyamuryango basaga ibihumbo bitanu bo mu Rwanda, u Burundi, Kenya, Tanzania na Uganda, kuri ubu ufite amashami muri buri karere k’u Rwanda n’uwuhagarariye ku rwego rw’intara.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Hafashwe toni 7 za caguwa zinjizwaga mu Rwanda ari magendu
Hafashwe toni 7 za caguwa zinjizwaga mu Rwanda ari magendu

Ishami rya Polisi y’u Rwanda rishinzwe kurwanya magendu n’inyerezwa ry’imisoro (RPU), rifatanyije n’ikigo cy’igihugu cy’imisoro n’amahooro (RRA), bataye muri yombi abantu 3 bakekwaho kwinjiza ibiro (...)

Abavuzi gakondo bagiye gushinga uruganda rw’imiti na banki
Abavuzi gakondo bagiye gushinga uruganda rw’imiti na banki

Abavuzi bo mu Rwanda no mu bindi bihugu bya Afurika y’Uburasirazuba, bibumbiye mu Muryango Mugari w’Abavuzi Gakondo, UMUAGA, batangiye kwiga ku mishinga ikomeye y’igihe kirekire irimo ibitaro (...)

Nyamagabe: Umudozi yasabiwe guhuzwa n’Abashinwa bakora imyenda
Nyamagabe: Umudozi yasabiwe guhuzwa n’Abashinwa bakora imyenda

Minisitiri w’Abakozi ba Leta n’Umurimo Uwizeye Judith, yasabye ubuyobozi bw’Akarere ka Nyamagabe gukorana na Minisiteri y’Ubucuruzi n’Inganda gufasha umudozi wahangiye imirimo abaturage benshi muri (...)

Abanyarwanda 920 bamaze kwizigama by’igihe kirekire asaga miliyari
Abanyarwanda 920 bamaze kwizigama by’igihe kirekire asaga miliyari

Ikigo gishinzwe Ibigega by’Umugabane ku Ishoramari (RNIT Iterambere Fund) cyatangaje ko Abanyarwanda 920 ari bo bashoye imari mu igurisha rya mbere bizigama by’igihe kirekire amafaranga y’u Rwanda (...)

Ukwakira 2016: Ibiciro mu mijyi y’u Rwanda byiyongereyeho 7.4%
Ukwakira 2016: Ibiciro mu mijyi y’u Rwanda byiyongereyeho 7.4%

Ikigo cy’Igihugu gishinzwe ibarurishamibare mu Rwanda (NISR) cyatangaje ko igipimo cy’ihindagurika ry’ibiciro mu kwezi kw’Ukwakira 2016 cyagaragaje ko ibiciro mu mijyi Ibiciro mu mijyi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.