Advertisement
 
 
 
 
 
 
 
 

Ubukungu

Abaturiye ibirombe by’amabuye y’agaciro bagenewe 10% by’imari iyavamo   

  Yanditswe na MUGISHA BENIGNE
 September 2016

 
 

Inama y’abaminisitiri yateranye kuri uyu wa kabiri taliki ya 13 Nzeri 2016 iyobowe na Perezida wa Repubulika, yanzuye ko igice kimwe cy’ibiva mu misoro y’amabuye y’agaciro kizajya gikoreshwa abaturiye aho acukurwa.

Umunyamabanga wa Leta muri Minisiteri y’umutungo Kamere, Imena Evode, mu nama yahuje za Minisiteri zimwe n’itangazamakuru yavuze ko igice kimwe cy’imisoro ituruka mu bucukuzi bw’amabuye y’agaciro kizajya yifashishwa muri gahunda zo guteza imbere abo baturage.

Yagize ati “ Nyuma yo kugirwa inama na Perezida wa Repubulika y’uko ubucukuzi bukwiye kugira icyo bufasha mu buryo bw’umwihariko abaturiye aho ayo mabuye aturuka, twashyizeho amabwiriza azafasha abaturiye ahacukurwa ayo mabuye kubona inyungu ku bihakorerwa.”

JPEG - 3.5 Mb
Umunyamabanga wa Leta muri Minisiteri y’umutungo Kamere, Imena Evode,

Ayo mafaranga azakoreshwa mu mishinga ijyanye n’ibikorwaremezo, imibereho myiza ndetse n’ubukungu. Ibikorwa azakoreshwamo birimo kubaka imihanda, kwegereza abaturage amazi n’amashanyarazi, uburezi, ubuvuzi, imikino n’imyidagaduro ndetse n’umuco.

Yagize ati “ Ubusanzwe imisoro yatangwaga mu bucukuzi bw’amabuye y’agaciro yakoreshwaga mu kongera ingengo y’imari ya Leta, bikagirira umumaro Abanyarwanda muri rusange, ariko noneho 10% by’ayo azajya akoreshwa by’umwihariko mu guteza imbere abaturiye uduce ducukurwamo amabuye y’agaciro.”

Imena avuga ko ayo mafaranga azanyuzwa mu Kigo Gishinzwe Iterambere ry’Inzego z’Ibanze (LODA), nacyo kikazajya kiyatanga kigendeye ku byasabwe n’abaturage.

Imishinga yo gushoramo ayo mafaranga izajya itoranywa n’abaturage bafatanyije n’ubuyobozi bw’inzego z’ibanze, binyuze mu nteko zabo, igezwe muri LODA.

Imena ati “Dufate urugero rwa Miliyari 3 z’imisoro yabonetse mu bucukuzi bw’amabuye y’agaciro mu mwaka ushize, tuzafatamo 10% yayo ashyirwe muri LODA azakoreshwe mu mishinga abaturage bazaba bahitiyemo bifuza ko ari yo yibandwaho.”

Imena avuga ko iyi gahunda izatangirira ku ikubitiro mu mirenge 87 iri mu turere 24 tw’igihugu, naho gahunda ikazatangirana n’umwaka utaha w’ingengo y’imari.

 

Comments

 
 
Musanze:Ibigori bari bitezeho umusaruro ushimishije byibasiwe na Nkongwa
Musanze:Ibigori bari bitezeho umusaruro ushimishije byibasiwe na Nkongwa

Abaturage bakora umwuga w’ubuhinzi bo mu mirenge imwe n’imwe yo mu karere ka Musanze, baravuga ko bahangayikishijwe n’uko batazabona umusaruro uhagije w’ibigori muri iki gihembwe cy’ihinga A 2017, (...)

Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.