Advertisement
 
 
 
 
 
 
 
 

Ubukungu

Abatishyura inguzanyo za Sacco bagiye gufatirwa ibihano   

  Yanditswe na HAKIZIMANA YUSSUF
 5 months ago

 
 

Abayobozi b’inzego z’ibanze kimwe n’abandi bakozi ba Leta bashyizwe ku rutonde rw’abatishyura inguzanyo bafashe muri za Sacco zo mu Ntara y’Uburasirazuba, basabwe kwisubiraho bakishyura, bitaba ibyo bagafatirwa ibihano bikomeye, birimo no kwirukanwa mu kazi.

Guverineri w’Intara y’Uburasirazuba Uwamariya Odette, avuga ko mu by’ibanze biranga umuyobozi harimo ubunyangamugayo, bityo agasaba abayobozi binangiye kwishyura inguzanyo za Sacco kwishyura vuba bishoboka bitaba ibyo bagahabwa ibihano.

Yagize ati “Ba Meya muraza kutubwira ni ikihe kibazo gihari?...mu nama y’ubutaha tuzatumira mu by’ukuri uzaba atishyuye muzahave mumwandikiye ibaruwa imukura ku kazi.

JPEG - 568.8 kb
Guverineri w’Intara y’Uburasirazuba Uwamariya Odette asaba abafashe inguzanyo za Sacco kwishyura

Nubwo hari amabwiriza n’inzira bicamo kugira ngo uve ku kazi, ariko iyo uri umuyobozi mu nzego z’ibanze hari ubunyangamugayo bugomba kukuranga, ubundi wowe ubwawe wagombye kwibwiriza ukegura ukava kuri uwo mwanya.

Kirehe, Kayonza na Nyagatare murasabwa kugira icyo mukora kandi mubikomeje, mu nama y’ubutaha aba bantu tuzabafatira ibyemezo bikarishye kuko baranga kwishyura bafite akazi, umunsi bazaba ntako bizakomera kurushaho.”

Mu nama yahuje abakozi ba Banki Nkuru y’igihugu n’abayobozi bo mu Burasirazuba, hagaragajwe ko mu mafaranga miliyoni 94,5 abayobozi batandukanye bafashe muri za Sacco, kugeza ubu bamaze kwishyura miliyoni 39,1 gusa, ni ukuvuga 44%.

Mu bayobozi bambuye za Sacco harimo abakuru b’Imidugudu, ba Gitifu b’Utugari, abarimu, abaganga, abakozi b’imirenge ndetse harimo na ba Gitifu b’Imirenge, ariko ngo ubu bo barangije kwishyura biturutse mu bukangurambaga bwabaye kuva mu kwezi kwa 2 uyu mwaka.

Guverineri Uwamariya yakomeje avuga ko abakora akazi k’ubwitange nk’abayobozi b’Imidugudu na bo abazanga kwishyura bashobora kuzasabwa kwegura hakajyaho abandi b’inyangamugayo.

Umuyobozi w’Akarere ka Kirehe, Muzungu Gerald, kuri iki kibazo yavuze ko mu karere ayobora habarurwa inguzanyo za miliyoni 8, ariko ubu ngo bamaze kwishyuramo 2, gusa yijeje ko n’asigaye azagaruzwa vuba.

Yagize ati “Tuzabikoraho, gusa hari ikibazo ko usanga umukozi afite umwenda mu yandi mabanki, hakaba hari amafaranga tutemerewe kurenza bamukata, ariko tuzabivugana na za Sacco tuzafatanya kandi bizagenda neza.”

Kanamugire Wellars, umucungamutungo wa Sacco ya Rwinkwavu, yemeza ko iyo umuyobozi atitabiriye kwishyura kandi aba afatwa nk’urugero mu baturage, bituma n’abandi banga kwishyura.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Yatangiriye ku cyarahani none agiye gushinga uruganda rw’imyenda
Yatangiriye ku cyarahani none agiye gushinga uruganda rw’imyenda

Mukantwari Alvéra wo mu murenge wa Kagano mu karere ka Nyamasheke, ukorera imirimo y’ubudozi n’ububoshyi bw’imyenda n’imitako kuri site ya Rwesero ho mu karere ka Nyarugenge mu mujyi wa Kigali (...)

Rubavu:Barifuza isoko ryagutse ry’umusaruro w’ibirayi wabaye mwinshi
Rubavu:Barifuza isoko ryagutse ry’umusaruro w’ibirayi wabaye mwinshi

Bamwe mu bahinzi b’ibirayi mu murenge wa Bugeshi mu karere ka Rubavu, bavuga ko bahangayikishijwe n’ikibazo cy’isoko ry’umusaruro w’ibirayi ridahagije, kandi bejeje byinshi cyane. Aba bahinzi bavuga (...)

Ibiciro bya lisansi na mazutu byazamutse
Ibiciro bya lisansi na mazutu byazamutse

Ikigo cy’Igihugu gishinzwe kugenzura imikorere y’inzego zimwe z’imirimo ifitiye igihugu akamaro, RURA cyatangaje ibiciro bishya by’ibikomoka kuri peteroli biratangira kubahirizwa kuri uyu wa 4 (...)

Abaturage b’i Rusizi batewe inkeke n’igiciro cy’ibiribwa cyazamutse bikabije
Abaturage b’i Rusizi batewe inkeke n’igiciro cy’ibiribwa cyazamutse bikabije

Abatuye mu mirenge hafi ya yose igize ikibaya cya Bugarama bakomeje kuvuga ko izamuka ry’ibiciro by’ibiribwa rikabije, ndetse ubu rikaba rituma bamwe batabasha guhaha. Abaganiriye n’Imvaho Nshya (...)

Yahereye kuri  29 000 frws,  ubu yubatse inzu abamo n’izo akodesha
Yahereye kuri 29 000 frws, ubu yubatse inzu abamo n’izo akodesha

Kayitesi Sophia, umuturage utuye mu mujyi wa Kigali ku Kicukiro, yabashije kwiteza imbere ahereye ku mafaranga y’u Rwanda 29,000 none ubu ageze ku rwego rwo kubaka mu mujyi wa Kigali inzu ijyanye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.