2017-08-17 08:49:58 clouds 27o High | Kigali Rwanda

Dukurikire:
 
 

Abanyarwandakazi bakora ubuhinzi buciriritse bagenewe miliyari 9.6

Yanditswe na IMVAHO NSHYA

Kuya 2016-08-30 12:41:03

 
Share on:
 
Yasuwe:6
 
Yavuzweho:200
 
10
 
10

Minisiteri y’Uburinganire n’Iterambere ry’Umuryango (MIGEPROF) iratangaza ko ku bufatanye n’ibihugu bihuriye mu mugambi Mushya w’Ubufatanye mu Iterambere ry’Afurika (NEPAD) yageneye abagore bakora umwuga w’ubuhinzi buciriritse ubufasha bwa miliyoni 12 z’amadolari ya Amerika ( miliyari 9 na miliyoni 600 z’amafaranga y’u Rwanda) mu kubafasha guhangana n’ihindagurika ry’ikirere.

MIGEPROF ihamya ko gufasha Abanyarwandakazi bakora ubuhinzi bishingiye ku kuba umubare w’abagore ungana na 52% by’Abanyarwanda kikaba ari n’igihamya ko n’umubare munini w’abahinzi mu Rwanda ari abagore.

Gufasha aba bagore mu guhangana n’imihindagurikire y’ikirere ndetse no kubongerera ubushobozi bijyanye n’uko iyi mihindagurikire yavuzweho guteza ikirumbo gikomeye ku bakora ubuhinzi mwaka ushize w’ihinga.

Umunyamabanga Uhoraho muri MIGEPROF Umutoni Gatsinzi Nadine, yashimangiye ko ku bufatanye bwa Leta n’abaterankunga hazafashwa abagore bahuraga n’imihindagurikire y’ikirere mu buhinzi bwabo.

JPEG - 413.1 kb
Umunyamabanga uhoraho muri MIGEPROF Umutoni Gatsinzi Nadine (i buryo) na Ida Karima uhagarariye NEPAD babwiye abagore bakora ubuhinzi ko bagenewe inkunga (Foto_ Niyonsenga S)

Yagize ati “Ni ukugira ngo bafashe abadamu ndetse n’andi matsinda nakwita ko atishoboye mu buhinzi guhangana n’imihindagurikire y’ikirere. Uyu munsi NEPAD baje hano kugira ngo badusobanurire icyo badusaba kugira ngo iyo gahunda ishyirwe mu bikorwa. Tuzaba dufatanyije n’izindi nzego za leta kugira ngo twese dufatanye gufasha abadamu bari mu buhinzi babashe guhangana n’imihindagurikire y’ikirere.”

Edina Karima ushinzwe gahunda ya NEPAD yagenewe gufasha abagore bakora ubuhinzi mu guhangana n’imihindagurikire y’ikirere avuga ko yatangiye mu mwaka wa 2012 ikaba ikorerwa mu bihugu bitanu ari byo Ethiopia, Malawi, Nigeria, Cameroun n’u Rwanda.

Ati “Iyo dutoranya ibihungu turebera kuri gahunda yabyo mu buhinzi, mbere yo gutangiza iyi porogaramu mu Rwanda twabanje kwiga ku mikorere y’igihugu, twabonye ko abagore benshi mu Rwanda bakora ubuhinzi ariko bagahura n’inzitizi nyinshi zikubiyemo kutabona uwaberekera mu mu buhinzi bwabo, bamwe ntibanafite ubumenyi ku ikoranabuhanga kandi bakabaye baryifashisha mu buhinzi.”

Biteganyijwe ko inkunga izaterwa abagore izakwizwa mu turere twose tw’u Rwanda aho muri buri karere hazajya hafasha abagore bagera 400 bibumbiye mu makoperative bivuze ko abagera ku bihumbi 12 bagiye guhabwa inkunga.

JPEG - 490.4 kb
Abicaye hagati ni Umutoni Gatsinzi Nadine na Ida Karima bo mu ifoto n’abagore bakora ubuhinzi(Foto_ Niyonsenga S)
atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE