Advertisement
 
 
 
 
 
 
 
 

Ubukungu

Abanyarwanda 920 bamaze kwizigama by’igihe kirekire asaga miliyari   

  Yanditswe na MUTUNGIREHE SAMUEL
 4 months ago

 
 

Ikigo gishinzwe Ibigega by’Umugabane ku Ishoramari (RNIT Iterambere Fund) cyatangaje ko Abanyarwanda 920 ari bo bashoye imari mu igurisha rya mbere bizigama by’igihe kirekire amafaranga y’u Rwanda miliyari imwe na miliyoni zirenga 46, akaba arimo kubyazwa inyungu ku isoko ry’imari n’imigabane.

Umuyobozi Mukuru w’Ikigega RNIT Gashugi Andre yabwiye abanyamakuru kuri uyu wa 14 Ugushyingo 2016 ko kuva mu kwezi kwa Nyakanga ubwo iki kigega cyashyirwagaho na Leta y’u Rwanda kugeza mu kwezi gushize k’Ukwakira hamaze kugaragara icyizere cyo kunguka kuko amafaranga abanyarwanda bizigamiye yose yahise ahorwa mu ishoramari ryunguka.

Kuva tariki ya 12 Nyakanga 2016 ubukangurambaga butangijwe na Minisitiri w’Intebe Anastase Murekezi na Minsitiri w’Imari n’Igenamigambi Ambasaderi Gatete Claver, rigasozwa tariki ya 7 Ukwakira 2016, Abanyarwanda baguraga umugabane ku mafaranga 100.

JPEG - 427.5 kb
Umuyobozi w’Inama y’Ubutegetsi Gatera Jonathan i buryo n’Umuyobozi Mukuru w’Ikigega RNIT Gashugi Andre basobanura inyungu zo kwizigamira ku bafite ubushobozi buke (Foto James R)

Umunyamuryango w’Ikigega RNIT ashobora ashobora kubona agaciro k’imigabane guhera kuri uyu wa 15 Ugushyingo 2016 aho muri gahunda yo gukomeza ubwo bukangurambaga mu banyarwanda umugabane umwe washyizwe ku mafaranga 100.92.

Umuyobozi w’Inama y’Ubutegetsi bw’Ikigega RNIT Gatera Jonathan yavuze ko yishimiye ubwitabire Abanyarwanda bagaragaje mu ntangiriro, butanga icyizere ko umuco wo kwizigamira birimo n’ishoramari ugiye gushinga imizi mu banyarwanda batari bawumenyere nk’uko biteye imbere mu bihugu bikize byawutangiye kare.

Gatera ati “Nidukomeza gutya turaba tugeze ku rwego rwiza rw’ishoramari no kwizigamira. Bikazadufasha kwishakamo ibisubizo, twishakira uko twakizigamira. Bitanga icyizereko u Rwanda rufite ejo hazaza hasobanutse.”
Bitandukanye n’uburyo amabanki ashakamo inyungu mu bayagana, kwizigamira ku kigega RNIT nta mafaranga ya buri kwezi bitwara uwaguze imigabane ye mu kigo cy’imari gikorana na yo; icyo acungira hafi ni amakuru amwereka uko umugabane uhagaze buri munsi ku isoko ry’igura n’igurisha ry’imigabane ( RSE).

Umuyobozi Uhagaragariye Abashoramari mu Rwanda Dr. Nzabonikuza, yasobanuye ko mu mpamvu nyamukuru Leta y’u Rwanda yashyizeho uburyo, ku muturage ufite ubushobozi bwo hasi kugeza ku mukozi uhembwa umushahara uhoraho, bitari byoroheye abafite ubushobozi buke bwo gukora ishoramari risaba ubushobozi badafite, ariko igihe bibumbiye hamwe bakagura imigabane bashobora kugera kuri byinshi batari kwishoboza.

Amafaranga make aherwaho mu gushora imari mu kigega RNIT Iterambere Fund ni amafaranga y’u Rwanda 2000, ushora imari agahitamo uburyo bushingiye ku nyungu aho agura imgabane ategereza inyungu yayo.

Kugeza ubu ubwo buryo bwitabiriwe n’abantu 78 bwinjiza 93 459 000. Umuturage ashobora kandi guhitamo kugura imgabane mu icyiciro gishingiye ku izamuka ry’igishoro, aho akurwa amafaranga ku mushahara we buri kwezi, icyo cyiciro kikaba kimaze kwitabirwa n’abantu 842 batanze 953 433 986.

 

Comments

 
 
Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Abahinzi bo muri Kigali basabwe guhaza isoko ry’imboga
Abahinzi bo muri Kigali basabwe guhaza isoko ry’imboga

Abaturage bakorera ubuhinzi mu bishanga by’akarere ka Kicukiro basabwe gushyira imbaraga mu kongera umusaruro w’imboga bagahaza isoko ryo mu Rwanda hagamijwe kugabanya amadevize asohoka igihugu (...)

Barasaba ko “amafaranga y’ikaramu” bakatwa na Sacco akurwaho
Barasaba ko “amafaranga y’ikaramu” bakatwa na Sacco akurwaho

Abaturage bari mu cyiciro cya mbere cy’ubudehe bakora muri VUP mu murenge wa Karambi, mu karere ka Nyamasheke, barasaba ubuyobozi bw’umurenge wabo n’ubw’akarere kubakemurira ikibazo cy’amafaranga (...)

Abahinzi barasabwa guhinga vuba bitarenze ku ya 15 Werurwe
Abahinzi barasabwa guhinga vuba bitarenze ku ya 15 Werurwe

Abahinzi bo mu Karere ka Nyaruguru barasabwa guhinga vuba bakaba barangiye gutera bitarenze taliki ya 15 Werurwe 2017, kugira ngo bazafunge neza itera ry’igihembwe cy’ihinga 2017B. Ibi abahinzi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.