Advertisement
 
 
 
 
 
 
 
 

Ubukungu

Abanyamakuru bo mu Rwanda bagiye gushinga ikigo cy’imari   

  Yanditswe na KAYITARE JEAN PAUL
 August 2016

 
 

Inteko rusange y’itorero ry’abanyamakuru “Impamyabigwi” yateraniye mu mujyi wa Kigali yagaragaje ko ifite umushinga wo gutangiza ikigo cy’imari iciriritse, kizabafasha kwiteza imbere.

Rene Anthere Rwanyange umwe mu banyamakuru bagize igitekerezo cyo gutangiza “Impamyabigwi Development Fund”, yasobanuriye abagize inteko rusange i (Abatoza b’intore z’abanyamakuru) batangiye ari abanyamakuru 30 ariko bakaba bafite gahunda yo kwagura imikorere.

Ati “Twaricaye nk’abanyamakuru tugira igitekerezo cyo gushyiraho ikigo cy’imari cyadufasha kwiteza imbere, duhita dushyiraho ikitwa ‘Media Ventures Group Ltd’. Mu gutangiza uyu mushinga, twawutangiye turi abanyamakuru 30 hanyuma ikigo cy’igihugu gishinzwe imiyoborere kitwandika nk’ikigo cy’ishoramari.”

JPEG - 97.9 kb
Itorero ry’abanyamakuru, Impamyabigwi

Rwanyange akomeza avuga ko mu mishinga bazashoramo imari harimo imyubakire, kwakira abantu n’ubwikorezi.

Ati “Dufite imishinga yo kubaka inzu ariko abanyamakuru bakajya bazigura ku giciro gito, tuzubaka ahantu twakwakirira abantu bashobora kumara igihe cyangwa abacumbika mu gihe gito bagakomeza ingendo zabo. Ikindi turateganya kugura imodoka izajya itwara abantu mu mujyi wa Kigali.”

Abanyamuryango ba “Media Ventures Group Ltd” kuri ubu ni 33, buri munyamuryango atanga umugabaneshingiro wa buri kwezi ungana n’amafaraga 30,000.

Barateganya kandi ko mu gihe cy’imyaka itatu iri imbere bazaba bamaze kugura ubutaka bwa hegitari eshatu, ikindi kandi bakazakora ikinyamakuru kimwe gikorera kuri murandasi n’ikindi cyandika ku mpapuro.

Abanyamakuru basanga mu minsi mike icyo kigo kizabafasha gukirigita ifaranga

Abanyamakuru Ildephonse Sinabubariraga na Dorothy Mbabazi bahuriza ku kuba iki kigo cy’ishoramari mu gihe cyaba gitangiye cyafasha abanyamakuru kwiyubaka kiramutse gicunzwe neza, ikindi ngo cyabafasha muri byinshi birimo guteza imbere ibigo by’itangazamakuru.

Diane Mushimiyimana we yabwiye Imvaho Nshya ati “Icya mbere ni ugushyira hamwe kuko ari wo musingi w’iterambere ku bantu bafite icyerekezo kimwe. Ikindi urabona ko bavuze ngo abanyamuryango bazajya babona inguzanyo ku buryo bworoshye mu gihe dukoze imishinga ibyara inyungu kandi yaduteza imbere mu gihe gito.”

Emmanuel Kwizera ati “Mbona ikigega cyabafasha cyane mu gihe cyazaba kibayeho. Ariko nagize impungenge ku itangwa ry’imisanzu kuko abanyamakuru benshi nta masezerano bagirana n’ibigo bakorera. Aho rero nabonye kuba batagitanga amasezerano bishobora kuzatuma habaho kudatangira rimwe umusanzu ukenewe”.

Akomeza agira ati “Ikigega cyo nikibaho cyazadufasha cyane kuko kuba hari abatagira amasezerano ubwabyo, urabyumva ko nta banki n’imwe yaduha inguzanyo ku mushahara. Ariko twishyiriyeho ikigega, cyajya kitugoboka kikaduha inguzanyo tukiteza imbere. Itangazamakuru ryacu kugeza ubu ririmo urubyuruko rwinshi rukeneye kwiyubaka kandi abenshi bagomba kwiyubaka babinyujije mu kubona inguzanyo. Icyo kigega cyazatugirira akamaro cyane.”

 

Comments

 
 
Musanze:Ibigori bari bitezeho umusaruro ushimishije byibasiwe na Nkongwa
Musanze:Ibigori bari bitezeho umusaruro ushimishije byibasiwe na Nkongwa

Abaturage bakora umwuga w’ubuhinzi bo mu mirenge imwe n’imwe yo mu karere ka Musanze, baravuga ko bahangayikishijwe n’uko batazabona umusaruro uhagije w’ibigori muri iki gihembwe cy’ihinga A 2017, (...)

Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.