Advertisement
 
 
 
 
 
 
 
 

Ubukungu

Abakora mu bwubatsi n’amwe mu mahoteli baranegwa kunyereza umusoro   

  Yanditswe na NIYONSENGA SCHADRACK
 July 2016

 
 

Ikigo cy’igihugu cy’imisoro n’amahoro (RRA) cyanenze imyitwarire n’imikorere y’amwe mu mahoteli n’ibigo by’ubwubatsi binyereza umusoro wa Leta n’ibyihagazeho bigatanga utajyanye n’ibikorwa bakora.

Mu birori byo kwizihiza umunsi mukuru w’abasoreshwa mu ntara y’uburengerazuba RRA yatangaje ko kuba hari inyubako zizamurwa mu Rwanda umunsi ku wundi no kuba ubukerarugendo bwarateye imbere cyane mu Rwanda nyamara ugasanga umusoro w’amahoteli n’uw’ibigo by’ubwubatsi ari wo uri hasi ugereranyije n’ibindi bigo byatumye itangiza ubugenzuzi bw’ihariye bugaragaza ko hari inyerezwa ry’umusoro muri izi nzego.

JPEG - 213.4 kb
Komiseri Mukuru wungirije muri RRA, Ruganintwari Pascal yemeza ko bimwe mu bigo by’ubwubatsi n’amahoteli binyereza umusoro

Komiseri mukuru wungurije wa RRA Ruganintwari Pascal, yagize ati “Iyo urebye umusoro uva mu mahoteli ku rwego rw’igihugu ukareba n’utangwa n’abubatsi ubona harimo icyuho gikomeye cyane, muzi ukuntu mu Rwanda amahoteli afite amafaranga muri iyi minsi kubera abakerarugengo baraza kandi iyo baje nta handi bajya atari muri hoteli. Abubatsi bo twese tubona uburyo amazu yubakwa umunsi ku munsi, ibyo rero nibyo byaduteye kugenzura imikorere ya bimwe muri ibi bigo dusanga badasora neza.”

RRA kandi ivuga ko hari abandi bantu barimo abajyanama mu by’imisoro na bamwe mu bakozi bayo iri gukoraho ubugenzuzi ngo hamenyekane abafasha abanyereza umusoro kuko ngo badashobora kubikora bonyine.

Bamwe mu basoreshwa babwiye RRA ko nubwo hari bagenzi babo bakenera gusunikwa kugira ngo basore hari imikorere itabanogera bigatuma rimwe na rimwe badasorera ku gihe.

JPEG - 343.3 kb
Bamwe mu basoreshwa bo mu ntara y’Uburengerazuba bitabiriye umunsi ngarukamwaka wabahariwe (Foto_ Niyonsenga S)

Bavuze ko hari abakozi ba RR babatera ubwoba bakabafatirira amafaranga ku makonti muri za banki, imashini za EBM zitagira umuriro uhoraho no kubura internet mu gihe abacuruzi bashaka kumenyekanisha umusoro.

Ruganintwari yasabye abacuruzi n’abandi basoreshwa kujya bihutira gutanga amakuru y’ibibazo byose bahura nabyo bijyanye n’umusoro ku gihe, no kudakomeza kujya bafata ikigo cy’imisoro n’amahoro nk’umwanzi wabo cyangwa se icyo bahanganye.

RRA yishimira uko abasoreshwa mu Rwanda bari kwitwara neza uko imyaka igenda ishiramuri rusange. Mu mwaka w’ingengo y’imari wa 2015/2016 hakusanyijwe miliyari 983,4 bituma barenga urugero bari barahawe na leta ku kigero cya 103%.

Muri uyu mwaka wa 2016/2017 RRA yitezweho kuzakusanya amafaranga miliyali 1084.4 ni ukuvuga 54.4% by’ingengo y’imari yose.

 

Comments

 
 
Abanyamahanga bashoye imari mu Rwanda  baravuga imyato Perezida Kagame
Abanyamahanga bashoye imari mu Rwanda baravuga imyato Perezida Kagame

Bamwe mu bashoramari b’Abanyamahanga bakorera ubucuruzi mu Rwanda kuri bo Perezida Kagame arenze kuba Perezida ahubwo ni n’umuhanga mu guhanga u Rwanda rugezweho. Atma Prakash ni umwe mu bayobozi (...)

Musanze:Ibigori bari bitezeho umusaruro ushimishije byibasiwe na Nkongwa
Musanze:Ibigori bari bitezeho umusaruro ushimishije byibasiwe na Nkongwa

Abaturage bakora umwuga w’ubuhinzi bo mu mirenge imwe n’imwe yo mu karere ka Musanze, baravuga ko bahangayikishijwe n’uko batazabona umusaruro uhagije w’ibigori muri iki gihembwe cy’ihinga A 2017, (...)

Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.