Advertisement
 
 
 
 
 
 
 
 

Ubukungu

Abahinzi b’urutoki bashaka ko umutobe uhabwa agaciro nk’aka Fanta   

  Yanditswe na MANISHIMWE NOËL
 September 2016

 
 

Abakora ubuhinzi bw’urutoki mu karere ka Ngoma bavuga ko baterwa igihombo n’igiciro cy’umutobe utarenza amafaranga 150 kuri litiro, bakifuza ko bashyirirwaho uburyo bwo kuwongerera agaciro kugira ngo ubuhinzi bakora bubateze imbere.

Aba bahinzi bagaragarije Imvaho Nshya ko benga umutobe bakawugurisha ku mafaranga 150 kuri litiro, bakavuga ko babona ari nko kuwutesha agaciro ugereranyije n’uko ngo icupa rya fanta rigurwa amafaranga 400 y’u Rwanda.

Umwe muri aba bahinzi, Bizimana Ferdinand, avuga ko batuye ahantu hera urutoki nyamara igiciro umutobe ugurwaho ngo babona kiri hasi cyane, bakifuza ko cyakwiyongera.

Yagize ati “Turi abantu bahinga insina z’ibitoki biribwa, hakabaho n’ibindi byengwa bivamo umutobe, ariko ikibazo tugira kuva kera, inaha ngaha iyo urebye umusaruro uva mu bitoki by’umutobe, tugereranyije na fanta uko igura amafaranga 400, wajya kureba nka litiro y’umutobe w’ibitoki ugasanga iri ku mafaranga 150.

JPEG - 285.2 kb
uba litiro yawo igura amafaranga 150 , fanta ikagura 400, harimo kudaha agaciro urutoki

Twifuza ko mwadukorera ubuvugizi hakaba haboneka uruganda rudufasha gutunganya ibituruka ku bitoki.”

Ni ikibazo gihuriweho n’abahinzi b’ibitoki byengwamo imitobe n’inzoga, kugeza ubu batarabona uburyo bwo kongerera agaciro umusaruro babona, yaba kuwutunganya mu buryo bwihariye mu macupa yabugenewe, nk’uko bijya bikorwa muri zimwe mu nganda nto n’iziciriritse hirya no hino mu gihugu.

Nambaje Aphrodise, Umuyobozi w’akarere ka Ngoma, avuga ko urutoki rwo muri aka karere rwatanga umusaruro, ariko kugeza ubu ngo ruhingwa nabi, ku buryo rutanatanga umusaruro uko bikwiye.

Avuga ko abahinzi b’urutoki bakwiye kubanza gushyira imbaraga mu kuvugurura uburyo baruhinga, rugatanga umusaruro ukwiriye, hanyuma n’uburyo bwo kuzongerera agaciro umusaruro warwo, bugatekerezwaho.

Yagize ati “Hano hari abantu bafite inganda barimo bategura no gukora divayi, batangiye no kubikora i Mutenderi, wowe n’iyo utajya gukora uruganda ngo wenge imitobe, ugahinga neza iyo nsina izabyara umutobe, abagomba kugura nk’uko inyamunyo zigurwa, bazabagurira n’inkashi zanyu mu gihe zimeze neza.”

Umuyobozi wa Ngoma avuga ko mu gihe abahinzi b’urutoki bazita ku kubona umusaruro uhagije, batazigera bahura n’ikibazo cy’igiciro gito, kuko ngo isoko rihari.

Ati “Dukwiye guhinga neza, niba ari fiya n’iyo zaba insina umunani zihinze neza, igitoki kimwe gishobora kuvamo ibiro 150, ikiro ni amafaranga 80, aho wabasha gukuramo amafaranga y’ishuri y’abana, inzu nziza na sima n’irange, ugashyiramo na metalike.”

Ubuyobozi bw’akarere ka Ngoma bugaragaza ko abahinzi nibahinga urutoki ku buryo bw’umwuga rukabaha umusaruro ufatika, hatazongera kumvikana abinubura ko igiciro ari gito, kuko ngo bidasaba kuruhinga ku buso bunini, ahubwo ngo icyangombwa ari ukurwitaho, mu gihe gito rukabazanira ubukire.

 

Comments

 
 
Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Abahinzi bo muri Kigali basabwe guhaza isoko ry’imboga
Abahinzi bo muri Kigali basabwe guhaza isoko ry’imboga

Abaturage bakorera ubuhinzi mu bishanga by’akarere ka Kicukiro basabwe gushyira imbaraga mu kongera umusaruro w’imboga bagahaza isoko ryo mu Rwanda hagamijwe kugabanya amadevize asohoka igihugu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.