Advertisement
 
 
 
 
 
 
 
 

Ubukungu

Abahinzi b’imyumbati bagiye guhuzwa na banki zibahe inguzanyo   

  Yanditswe na MUHIZI ELISÉE
 31 March

 
 

Bamwe mu bafite aho bahurira n’ubuhinzi mu karere ka Muhanga, Kamonyi na Ruhango, ndetse n’abahagarariye amakoperative atunganya igihingwa cy’imyumbati muri utwo turere, batangaza ko agiye guteza imbere iki gihingwa borohereza abahinzi kubona inguzanyo mu mabanki.

Mu biganiro byahuje izi nzego zifite aho zihurira n’ubuhinzi, Nkotanyi Thomas, umuyobozi mukuru wa SORWAFA mu ntara y’Amajyepfo, avuga ko bagiye guhuza amabanki n’abakora ubuhinzi bw’imyumbati mu rwego rwo kubishingira, kugira ngo bishyure igice kimwe cy’inguzanyo bazaba bahawe.

Nkotanyi avuga ko usibye guhuza abahinzi b’imyumbati n’amabanki, bagiye kuzajya banabafasha kubona imbuto nziza ituruka mu gihugu cya Uganda ku buryo kuyiha abatubuzi ari yo nzira nziza izatuma iki gihingwa cy’imyumbati kigera ku bahinzi benshi, ndetse bigafasha n’uruganda rutunganya imyumbati rwa Kinazi rukabona umusaruro ushimishije.
Yagize ati:«Turabanza duhe ubumenyi abakora uyu mwuga wo guteza igihingwa cy’imyumbati imbere, hanyuma tuzabahuza n’amabanki.»

JPEG - 143.3 kb
Bamwe mu bashinzwe ubuhinzi mu karere ka Muhanga, Ruhango na Kamonyi (Foto Muhizi E)

Ngumyembarebe Thacien, umukozi ushinzwe ubuhinzi mu karere ka Muhanga, avuga ko ibi biganiro bigamije gukusanya ibitekerezo ndetse n’imbogamzi aba bahinzi bahura nazo, kugira ngo abatubuzi b’imbuto y’imyumbati, abayicuruza, abashakashatsi, cyangwa se abayihinduramo ifu bazajye bahanahana amakuru mu buryo bworoshye.

Yakomeje agira ati:«Nubwo indwara ya kabore yagabanyije umusaruro w’igihingwa cy’imyumbati ariko inzego zirimo gushyira ingufu mu guha abahinzi imbuto nziza kandi turabona ko bizatanga umusaruro ushimishije.»

Iki gikorwa co guteza imbere igihingwa cy’imyumbati kirabera mu karere ka Muhanga, Kamonyi na Ruhango. Uturere dusanzwe tweramo imyumbati.

Mu karere ka Muhanga igihingwa cy’imyumbati gihinze ku buso bwa hegitari 1507, aka karere kakaba kariyemeje kongera ubuso buhingwamo iki gihingwa kugera ku 2100, mu mirenge icumi n’umwe ku icumi igize akarere ka Muhanga.

 

Comments

Who are you?
Your post
  • To create paragraphs, just leave blank lines.

 
 
Hafashwe toni 7 za caguwa zinjizwaga mu Rwanda ari magendu
Hafashwe toni 7 za caguwa zinjizwaga mu Rwanda ari magendu

Ishami rya Polisi y’u Rwanda rishinzwe kurwanya magendu n’inyerezwa ry’imisoro (RPU), rifatanyije n’ikigo cy’igihugu cy’imisoro n’amahooro (RRA), bataye muri yombi abantu 3 bakekwaho kwinjiza ibiro (...)

Abavuzi gakondo bagiye gushinga uruganda rw’imiti na banki
Abavuzi gakondo bagiye gushinga uruganda rw’imiti na banki

Abavuzi bo mu Rwanda no mu bindi bihugu bya Afurika y’Uburasirazuba, bibumbiye mu Muryango Mugari w’Abavuzi Gakondo, UMUAGA, batangiye kwiga ku mishinga ikomeye y’igihe kirekire irimo ibitaro (...)

Nyamagabe: Umudozi yasabiwe guhuzwa n’Abashinwa bakora imyenda
Nyamagabe: Umudozi yasabiwe guhuzwa n’Abashinwa bakora imyenda

Minisitiri w’Abakozi ba Leta n’Umurimo Uwizeye Judith, yasabye ubuyobozi bw’Akarere ka Nyamagabe gukorana na Minisiteri y’Ubucuruzi n’Inganda gufasha umudozi wahangiye imirimo abaturage benshi muri (...)

Abanyarwanda 920 bamaze kwizigama by’igihe kirekire asaga miliyari
Abanyarwanda 920 bamaze kwizigama by’igihe kirekire asaga miliyari

Ikigo gishinzwe Ibigega by’Umugabane ku Ishoramari (RNIT Iterambere Fund) cyatangaje ko Abanyarwanda 920 ari bo bashoye imari mu igurisha rya mbere bizigama by’igihe kirekire amafaranga y’u Rwanda (...)

Ukwakira 2016: Ibiciro mu mijyi y’u Rwanda byiyongereyeho 7.4%
Ukwakira 2016: Ibiciro mu mijyi y’u Rwanda byiyongereyeho 7.4%

Ikigo cy’Igihugu gishinzwe ibarurishamibare mu Rwanda (NISR) cyatangaje ko igipimo cy’ihindagurika ry’ibiciro mu kwezi kw’Ukwakira 2016 cyagaragaje ko ibiciro mu mijyi Ibiciro mu mijyi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.