2017-11-23 18:23:19 clouds 27o High | Kigali Rwanda

Dukurikire:
 
 

Abadepite bemeje ingengo y’imari ya 2017/2018

Yanditswe na IMVAHO NSHYA

Kuya 2017-06-23 23:30:00

 
Share on:
 
Yasuwe:341
 
Yavuzweho:200
 
10
 
10

Inteko rusange Umutwe w’Abadepite yemeje umushinga w’Ingengo y’imari y’umwaka wa 2017/2018 ungana na miliyari 2 094 910 480 545 y’amafaranga u Rwanda, bagejejweho na Minisitiri w’imari n’igenamigambi Amb Gatete Claver.

Perezida wa Komisiyo y’ingengo y’imari depite Mukarugwiza Annonciata yagejeje ku bagize Inteko ibikubiye muri uwo mushinga, nyuma Minisitiri Amb. Gatete nawe agira icyo avuga kuri uwo mushinga w’ingengo y’imari.

Minisitiri w’Imari n’Igenamigambi ambasaderi Claver Gatete avuga ko imbanzirizamushinga y’iyi ngengo y’imari yateguwe ku bufatanye bw’Inteko Ishinga Amategeko, ari nayo yawemeje.

Yibukije Abadepite ko amavugurura yabayeho nyuma yakozwe na Minisiteri y’Imari n’igenamigambi ariyo yavuyemo umushinga washyikirijwe inteko rusange mu minsi yashize.

JPEG - 340.8 kb
Minisitiri w’imari n’igenamigambi Amb Gatete Claver (imbere ibumoso) atanga ibisobanuro ku mushinga w’ingengo y’imari

Ubwo yamurikiraga Inteko Ishinga Amategeko umushinga w’ingengo y’imari, mu kwezi kwa Kamena 2017, Minisitiri w’imari n’igenamigambi Amb Gatete yasobanuriye imitwe yombi y’abagize Inteko Ishinga Amategeko ko amafaranga agera kuri 83% agize iyi ngengo y’imari azaturuka imbere mu gihugu ayo arimo 66% azava imbere mu gihugu, naho ayandi azaturuka mu mahanga.

Akomeza agira ati “Mu ngengo y’imari isanzwe biteganyijwe ko hazashorwamo asaga Miliyari imwe by’amafaranga y’u Rwanda, mu gihe imishinga y’iterambere izashorwamo miliyari Magana arindwi na mirongo irindwi n’enye.

Amb Gatete avuga ko kugeza ubu, igisigaye ari uko iyi ngengo y’imari isohoka mu igazeti nyuma igatangira gushyirwa mu bikorwa mu kwezi kwa Nyakanga.

TWAGIRA WILSON

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE