Advertisement
 
 
 
 
 
 
 
 

Ubukungu

Abacururiza mu isoko rya Rugarama barugarijwe   

  Yanditswe na NGABOYABAHIZI PROTAIS
 May 2016

 
 

Isoko rya Rugarama, rihereye mu murenge wa Rugarama mu karere ka Burera, riremwa n’abaturage baturutse mu turere bihana imbibi, ndetse n’abaturage bo mu gihugu cya Uganda.

Iyo winjiye muri iri soko, usanga hari abacuruzi bamwe batanditse ibicuruzwa byabo hasi, abandi barashinze ibiti inyuma y’isoko mu kibuga, kugira ngo babone aho bashyira ibicuruzwa byabo, abandi barubatsemo udutanda nabo bashyiraho ibicuruzwa byabo.

Maniriho Jonathan, umucuruzi w’imyenda akaba muri bamwe bacururiza hanze, avuga ko iri soko rifite ibibazo byinshi bibangamira abarikoreramo.

Yagize ati:“Ikibazo dufite muri iri soko ni ukuba ibicuruzwa byacu binyagirwa, hakiyongeraho no kuba nta muriro w’amashanyarazi uharangwa kuva mu gihe cy’imyaka igera kuri 7 iri soko rifunguye amarembo, nkibaza niba akarere kajya kuryubaka kataratekereje kongera amasaha y’akazi.”

JPEG - 71 kb
Isoko rya Rugarama rikenewe kwitabwaho (Foto Ngaboyabahizi P)

Akomeza avuga ko kuba bafite ibyo bibazo byose hiyongeraho no kuba bakwa imisoro ya buri kwezi n’ipatante, ariko imyaka ikaba ihise ari myinshi batakamba ngo baryagure kugeza n’ubu ubuyobozi bukaba ntacyo ngo bubasubiza.

Mukamazimpaka Rosette, ucuruza ibiribwa muri iri soko rya Rugarama, na we asanga iri soko rititaweho kandi ngo ikibazo cyabo n’akarere karakizi.

Kuri we ngo ikimutangaza ni ukubona insinga zinyura hejuru y’iri soko ariko ryo ntirigiremo n’itara na rimwe, ibi bigatuma badakora amasaha menshi kuko ngo barivamo saa kumi, kandi no ku manywa igihe hari ikibunda usanga ngo hari umwijima.

Ikindi kandi ngo kuba nta matara ahari bituma n’abarinyuraho kimwe n’abahatuye bashobora kugenda bafite ubwoba, ngo kuko hari zimwe mu nsoresore ziza kuhanywera ibiyobyabwenge, kubera ko haba hari umwijima.

kuba kandi nta muriro bafite muri ririya soko, bituma n’abakoresha imashini zidoda bajya gukoresha imideri inyuranye ahandi hari umuriro, ibyo bigatuma imirimo yabo idindira.

Barifuza ko niba hari umusanzu basabwa bawutanga, ariko bakabona umuriro muri ririya soko, kuko hari imirimo inyuranye bakenera gukorera muri ririya soko nayo ikenera umuriro.

Umunyamabanga Nshingwabikorwa w’umurenge wa Rugarama Kayitsinga Faustin, we avuga ko kiriya kibazo kizwi ko ririya soko ari rito rikeneye kwagurwa, ngo bakaba barakigejeje ku buyobozi bw’akarere, kugira ngo kibonerwe umuti.

Ku bijyanye n’amashanyarazi ataragera muri iri soko, uyu muyobozi avuga ko ibi nabyo bizakorwa nirimara kwagurwa.

 

Comments

 
 
Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Abahinzi bo muri Kigali basabwe guhaza isoko ry’imboga
Abahinzi bo muri Kigali basabwe guhaza isoko ry’imboga

Abaturage bakorera ubuhinzi mu bishanga by’akarere ka Kicukiro basabwe gushyira imbaraga mu kongera umusaruro w’imboga bagahaza isoko ryo mu Rwanda hagamijwe kugabanya amadevize asohoka igihugu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.