2017-10-18 07:01:40 clouds 27o High | Kigali Rwanda

Dukurikire:
 
 

2016: Inama zinjirije u Rwanda miliyari zisaga 39

Yanditswe na IMVAHO NSHYA

Kuya 2017-05-19 05:13:53

 
Share on:
 
Yasuwe:1170
 
Yavuzweho:200
 
10
 
10

Mu mwaka ushize, kwakira inama mpuzamahanga byinjirije u Rwanda amadolari y’Amerika miliyoni 47 (angana n’amafaranga y’u Rwanda abarirwa muri 39 245 000 000).

Umuyobozi Mukuru w’Ikigo cy’Igihugu cy’Iterambere, RDB, Clare Akamanzi, atangaza ko inama zinyuranye u Rwanda rwakira, ndetse no korohereza abategura inama (MICE), ari kimwe mu by’injiza amafaranga mu rwego rw’ubukerarugendo.

Ni muri urwo rwego Akamanzi avuga ko nko mu mwaka ushize wa 2016 izi nama zinjije amadolari ya Amerika miliyoni 47 naho muri uyu mwaka bikaba biteganyijwe ko inama zizinjiza mu bukungu bw’u Rwanda amadolari miliyoni 64 (amafaranga abarirwa muri 53 440 000 000).

JPEG - 48.6 kb
Clare Akamanzi, Umuyobozi Mukuru wa RDB

U Rwanda ruha agaciro izi gahunda z’inama mu bukerarugendo, ubu rukaba ruri ku mwanya wa gatatu muri Afurika nyuma ya Afurika y’Epfo na Morocco mu bijyanye n’ubushobozi bwo kwakira inama mpuzamahanga nk’uko byatangajwe n’icyegeranyo cya ICCA (Ihuriro ry’abashinzwe kwakira no gutegura inama mpuzamahanga) cyashyizwe ahagaragara mu cyumweru gishize.

Akamanzi avuga ko uyu mwanya u Rwanda ruriho mu bushobozi bwo kwakira inama zikomeye, ari kimwe mu bije kongera imbaraga muri iyi gahunda, kuko u Rwanda rukomeje kubaka icyizere mu kuba ahantu hahanzwe amaso mu karere no muri Afurika mu bijyanye no kwakira inama.

Kuri ubu ishami rya RDB rishinzwe ubukerurugendo no kubungabunga ibidukikije, RCB, ifatanyije n’abikorera (amahoteli nka Radisson Blu - Kigali Convention Centre, Kigali Marriott, Kigali Serena ndetse na One and Only, Business Events East Africa na Rwanda Events) bitabiriye inama ya IMEX (Inama Mpuzamahanga n’Amamurikagurisha) ibera Frankfurt mu Budage, hagamijwe kurushaho gukurura inama mpuzamahanga mu Rwanda.

IMEX igira uruhare mu gutegura inama zikomeye ku isi hose, ikanafata icyemezo cy’aho inama runaka yabera. Frank Murangwa, umuyobozi w’agateganyo wa RCB witabiriye iyi nama, avuga ko IMEX ari amahirwe ku Rwanda yo kwerekana uko ruhagaze mu kwakira inama mpuzamahanga.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE