2017-10-18 18:43:44 clouds 27o High | Kigali Rwanda

Dukurikire:
 
 

2010-2017: U Rwanda rwageze kuki mu kubaka no gusana imihanda?

Yanditswe na IMVAHO NSHYA

Kuya 2017-07-11 09:34:52

 
Share on:
 
Yasuwe:150
 
Yavuzweho:200
 
10
 
10

Mu myaka irindwi ishize ya manda ya kabiri ya Perezida Paul Kagame, habayeho kubaka imihanda mishya, gusana ishaje ndetse no kwagura indi. Imihanda ya kaburimbo mu mwaka wa 2010 mu gihugu cyose yareshyaga n’ibilometero 1 172, ariko ubu ireshya n’ibilometero 1 528, bivuze ko yiyongereyeho kilometero 356.

Hashyizwe imbaraga mu kubaka ibikorwa remezo by’imihanda, aho iya kaburimbo mu mwaka wa 2010 yose hamwe yari ifite ibilometero 1 172, ubu muri uyu mwaka ikaba igeze ku bilometero 1 528.

Minisiteri y’Ibikorwa Remezo, ivuga ko muri iyi myaka irindwi hanubatswe imihanda ifite uburebure bwa kilometero 1 965 ifasha abaturage kugeza umusaruro wabo ku isoko.

Imiterere y’imihanda n’ubwiza bwayo mu myaka irindwi ishize byatejwe imbere, imihanda ihuzwa n’indi yaba iya kaburimbo cyangwa itari yo igeze kuri 71.4% muri uyu mwaka wa 2017, ivuye kuri 60% muri 2010. Imihanda ya kaburimbo imeze neza ku gipimo cya 95% mu bwiza bitewe no kwitabwaho kenshi no kuyisana.

Imihanda yashyizwemo kaburimbo

JPEG - 164.6 kb
Imihanda yubatswe irakomeye kandi ifite isuku

Muri rusange mu myaka irindwi ishize, imihanda ireshya na kilometero 320 yashyizwemo kaburimbo ariko yari isanzwe ari ibitaka. Iyo ni umuhanda (Kivu Belt Lot 3) wa Ntendezi-Mwityazo ureshya na kilometero 51, na “Lot 4 na 5” wa Mwityazo-Karongi ureshya na kilometero 66, umuhanda ugera Tumba College ureshya na kilometero 9.5, Cimerwa -Bugarama ufite uburebure bwa kilometero 10, umuhanda ugera ku bitaro bya Bushenge ureshya na kilometero 3.

Mu mujyi wa Kigali hubatswe imihanda ireshya na kilometero 117.55, harimo umuhanda wa Kinyinya, uwa KCC (Kigali Convention Center), Kabuga-Masaka, Kanombe-Kibaya, imihanda y’ahantu hihariye hagenewe inganda, umuhanda wa Kanombe wahinduwe n’indi. Hiyongeraho kandi iyubatswe hakoreshejwe amabuye asennye neza, ikaba ireshya na kilometero 9,45.

Hubatswe kandi imihanda ireshya na kilometero 100 hakoreshejwe kaburimbo n’amabuye mu yindi mijyi, aho kilometero 65.3 zubatswe mu mijyi nka Huye, Rusizi, Rubavu, Gicumbi, Musanze, Nyanza n’ahandi.

Imihanda irimo kubakwa n’iteganywa kubakwa

Kuri ubu hari imishinga y’imihanda irimo gushyirwa mu bikorwa (Kivu belt Lot 6), uwa Rubengera Gisaza-Gisaza ufite uburebure bwa kilometer 24 na Lot 7 wa Gisaza-Pfunda ureshya na kilometer 44, biteganyijwe ko irangirana na Kamena 2017.

Hari kandi umushinga w’umuhanda wa Base-Rukomo ureshya na kilometer 51, hakaza umushinga w’umuhanda Base-Butaro-Kidaho ureshya na kilometero 63, n’umushinga w’imihanda ireshya na kilometer 54,5 mu mujyi wa Kigali.

Naho imishinga y’imihanda irimo gutegurwa, ni Ngoma-Bugesera-Nyanza ureshya na kilometer 130, Rukomo-Nyagatare ufite uburebure bwa kilometer 73, Huye-Kibeho ureshya na kilometer 68, mu Mujyi wa Kigali hari ireshya na kilometer 80, hakaza uwa Bugesera (express way) ureshya na kilometero 40.

Imihanda yasanwe ndetse n’iteganywa gusanwa

Mu myaka irindwi kandi hari imihanda yasanwe ndetse yarangiye, iyo ikaba ari umuhanda Kigali-Gatuna (km 77.8), Kigali-Musanze (km 83), hakaza Rusizi-Ntendezi-Nyamagabe (km 63), n’uwa Karongi-Rubengera (km 17). Muri rusange, iyi mihanda yasanwe ifite yose hamwe uburebure bwa kilometer 240,8.

Naho imishinga y’imihanda iteganywa kuzasanwa, ni Huye-Kitabi (km 53), Kagitumba-Kayonza-Rusumo ureshya na kilometero 208, Kigali-Muhanga-Huye-Akanyaru (km 157), Muhanga-Karongi/Rubengera (km 60). (Kayoza-Rusumo wo waratangiye).

Muri rusange, mu myaka irindwi ishize, kilometero 13 245 z’imihanda yaba iya kaburimbo ndetse n’itari kaburimbo yaratunganyijwe.

MUGABO LAMBERT

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE