Advertisement
 
 
 
 
 
 
 
 

Ubukungu

17% by’Abanyarwanda bashobora kugarizwa n’inzara   

  Yanditswe na MUTUNGIREHE SAMUEL
 April 2016

 
 

Ubushakashatsi ku kwihaza mu biribwa ku banyarwanda, Comprehensive Food Security and Vulnerability Analysis (CFSVA) 2015 bwashyizwe ahagaragara kuri uyu wa Kabiri na minisiteri y’ubuhinzi n’ubworozi bwerekana ko n’ubwo umubare munini w’Abanyarwanda 80% bafite umutekano mu biribwa hari igice cy’abashobora kuzahazwa n’ibiribwa bike nibadakurikiranirwa hafi.

Mu ngo ibihumbi 7500 zakoreweho ubwo bushakashatsi mu gihugu cyose Abanyarwanda 17% bari mu cyiciro cyo hagati baba bafite ibyo kurya ariko hari impungenge ko hagize ikiba batabonye ubwunganizi bamanuka bakajya mu batihagije mu biribwa.

JPEG - 255.5 kb
Umunyamabanga wa Leta uhoraho muri MINAGRI, Innocent Musabyimana avuga kuri gahunda zo kongera umusaruro mu gihugu (FOTO Samuel M)

Umunyamabanga wa Leta Uhoraho muri minisiteri y’Ubuhinzi n’Ubworozi Innocent Musabyimana yavuze ko abari muri icyo cyiciro bakurikiranirwa hafi ngo igihugu kidasubira inyuma.

Ati“Baba bafite ibyo kurya ariko hagize ikintu gitoya kiba bya biryo ntabyo babona, ariko bari aho hagati nta kibazo bafite. Ariko nanone icyo cyiciro ni kimwe ushobora guhita ukizamura kigahita kigera muri ba bandi bihaza mu biribwa kubera gahunda zihariye zibafasha kugira ngo bakite bava muri icyo cyiciro.”

Raporo ikubiye mo ubu bushakashatsi igaragaza kandi ko Abanyarwanda 3% ari bo bafite ikibazo cyimirire mibi. Musabyimana yavuze ko ibiri muri iyo raporo bitanga ishusho y’aho igihugu kiri mu kwihaza mu biribwa.

Yagize ati “Ubu bushakashatsi tubukora mu gihe tuba tubona ko hari ikibazo mu buhunikiro cyangwa mu miryango baba bashobora kuba umusaruro cyangwa ibyo bari barahunitse bigenda bigabanuka.”

Iyi raporo ivuga kandi ko u Rwanda ruvuga ko rugeze kuri 36.7% byo kwihaza mu biribwa, naho 70% by’ingo z’Abanyarwanda bakaba babona ibyo kurya babiguze ku isoko.

Iyo raporo y’ubu bushakashatsi ivuga ko imirire mibi n’ibura ry’ibiribwa byiganje cyane mu turere tw’intara yUburengerazuba.

Umunyamabanga wa Leta avuga ko bidatangaje kuko n’ubundi uturere turi muri ako gace cyane Ngororero, Rubavu, Gatsibo na Burera ari uturere turi mu gice cy’isunzu rya kongo Nil aho ubutaka bwaho buba busharira ku buryo budatanga umusaruro uko bikwiye.

Utu turere ariko ngo Leta yaduteganyirije uburyo bwo kubagezaho ishwagara rituma ubutaka bwaho bugabanya ubukare bugatanga umusaruro.

 

Comments

 
 
Musanze:Ibigori bari bitezeho umusaruro ushimishije byibasiwe na Nkongwa
Musanze:Ibigori bari bitezeho umusaruro ushimishije byibasiwe na Nkongwa

Abaturage bakora umwuga w’ubuhinzi bo mu mirenge imwe n’imwe yo mu karere ka Musanze, baravuga ko bahangayikishijwe n’uko batazabona umusaruro uhagije w’ibigori muri iki gihembwe cy’ihinga A 2017, (...)

Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.