Advertisement
 
 
 
 
 
 
 
 

Ubukerarugendo

Ubwoko bw’ibikeri bwari bwarazimye bwavumbuwe mu Rwanda   

  Yanditswe na IMVAHO NSHYA
 4 months ago

 
 

Ubwoko bw’ibikeri bwa Bururi (Cardioglossa cyaneospila), bwamaze imyaka 50 bwarazimye burundu bwavumbuwe muri parike y’igihugu ya Nyungwe.

Igikeri cyo muri ubwo bwoko cyabonywe muri Nyungwe n’impuguke mu bukerarugendo z’ikinyamakuru n’ikigo cy’ubukerarugendo, Africa Geographic.

JPEG - 165.6 kb
Igikeri cyo mu bwoko bwa Bururi kibona umugabo kigasiba undi

Umuyobozi wa Africa Geographic Travel, Christian Boix yavuze ko icyo gikeri bakibonye bibatunguye ubwo barimo gusura inguge zo muri iyo parike.

Ati” Hari mu gitondo cya kare, ndi kumwe n’abakiriya dusura inguge mu ishyamba ry’inzitane rya Nyungwe, nibwo nabonye icyo gikeri kinini kiri hasi mu byatsi.”

Yunzemo ati” Ubwa mbere sinari nzi neza ko kiri mu bwoko byavugwaga ko bwazimye ahubwo cyanyibukije ibikeri bifite uburozi bukarishye nabonye muri Amerika y’Epfo.

Kuri uwo mugoroba nohereje ifoto yacyo ku itsinda rya Africa Geographic mu mujyi wa Cape Town muri Afurika y’Epfo mbabaza ubwoko bwacyo. Natangajwe no kumva ko nakivumbuye cyafatwaga nk’icyazimye burundu.”



Ubwo bwoko bw’igikeri bwari bwarabuze burundu kuva mu 1952, mu 2011 nibwo bwongeye kubonwa mu Burundi n’Umushakashatsi David Blackburn wo mu nzu ndangamuco y’ibidukikije ya Kaminuza ya Florida.

Blackburn yagize ati” Ni ubwa kabiri ubu bwoko bw’ibikeri bubonetse mu Rwanda, bwaherukaga mu 1952. Ntibwigeze buboneka muri Nyungwe, ariko twari tubyiteze kuko hasa neza nk’aho ibyo bikeri bikunda kuba. Inyandiko zigaragaza ko ibi bikeri byabonekaga cyane mu mpera zo mu myaka ya 1940 no mu ntangiriro za 1950.

Mu minsi mike ishize nibwo twatangiye kongera kubibona muri Uganda, u Burundi, Congo, none bibonetse no mu Rwanda.”

JPEG - 119.7 kb
Ishyamba rya Nyungwe ricumbikiye urusobe rw’ibinyabuzima n’ibidukikije
 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
RDB irashaka ko buri munyarwanda aba mukerarugendo
RDB irashaka ko buri munyarwanda aba mukerarugendo

Ikigo cy’Igihugu cy’Iterambere (RDB) gifatanyije, inzego za Leta ndetse n’abikorera mu rwego rw’ubukerarugendo cyatangije ubukangurambaga bwiswe “Tembera u Rwanda” bugamije gufasha Abanyarwanda (...)

Ubwoko bw’ibikeri bwari bwarazimye bwavumbuwe mu Rwanda
Ubwoko bw’ibikeri bwari bwarazimye bwavumbuwe mu Rwanda

Ubwoko bw’ibikeri bwa Bururi (Cardioglossa cyaneospila), bwamaze imyaka 50 bwarazimye burundu bwavumbuwe muri parike y’igihugu ya Nyungwe. Igikeri cyo muri ubwo bwoko cyabonywe muri Nyungwe (...)

Kigali: Hoteli 6 mu 10 zari zafunzwe zakomorewe
Kigali: Hoteli 6 mu 10 zari zafunzwe zakomorewe

Ubuyobozi bw’Ikigo cy’Igihugu cy’Iterambere (RDB) bwatangaje ko bwakomoreye hoteli esheshatu mu 10 zarizafunzwe guhera ku wa Gatanu w’icyumweru gishize kuko zitari zujuje ibisabwa, zikaba zemerewe (...)

Kigali: Marriott Hotel ishobora gufungura muri Gashyantare 2016
Kigali: Marriott Hotel ishobora gufungura muri Gashyantare 2016

Ikigo Mpuzamahanga cyo muri Amerika gikora ibiyanye n’amahoteli n’ubukerarugendo (Marriott International, Inc.) cyatangaje ko Hoteli Marriott yuzuye mu Mujyi wa Kigali izafungura muri Gashyantare (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.