Advertisement
 
 
 
 
 
 
 
 

Ubukerarugendo

Ubukerarugendo bwinjirije u Rwanda miliyari zisaga 241 mu 2015   

  Yanditswe na NTAWITONDA JEAN CLAUDE
 4 April

 
 

Ikigo cy’Igihugu cy’Iterambere (RDB) cyatangaje ko ubukerarugendo bwinjije miliyoni 318 z’amadolari y’Amerika umwaka ushize wa 2015 angana na miliyari 241 na miliyoni 998 z’amafaranga y’u Rwanda.

Iyi mibare yatangajwe n’Umuyobozi Mukuru w’Ishami ry’Ubukerarugendo muri RDB, Belise Kariza, ubwo yatangarizaga abanyamakuru umuhango wo Kwita Izina uteganyijwe tariki 2 Nzeri 2016.

Umusaruro w’ubukerarugendo wageze kuri aka kayabo mu gihe mu mwaka ushize wa 2014 u Rwanda rwabonye abashyitsi 1 220 000 basize akayabo k’amadolari ya Amerika miliyoni 304, yiyongereyeho miliyoni 14 z’amadolari mu mwaka umwe.

JPEG - 341.1 kb
Ingagi zifite uruhare rukomeye mu kwinjiriza u Rwanda amadovize akomoka ku bukerarugendo

Ubuyobozi bwa RDB bwemeza ko kuba ubukerarugendo bwinjiriza igihugu amadovize menshi kandi ahanini bukorerwa ku ngagi, ari imwe mu mpamvu ibi biremwa bigomba kwitabwaho, hakamenyekana umubare wabyo, aho ziri ndetse zikanarindirwa umutekano.

Kariza yakomeje agira ati “Umuhango wo Kwita Izina uzaba muri Nzeri, nka kimwe mu bikorwa by’Ukwezi kwahariwe ubukerarugendo ku Isi, uzatwongerera ubunararibonye tunasangiza amahanga inkuru nziza y’iterambere ry’ubukerarugendo mu Rwanda.”
Muri uyu muhango abana 19 b’ingagi bazahabwa amazina barimo n’ab’impanga, bavutse nyuma y’umuhango wo kwita Izina ku nshuro ya 11 wabaye mu mwaka wa 2014.

Igikorwa cyo kubarura ingagi girimo gukorwa, rikaba ryitezweho kuzafasha kumenya umubare nyakuri wazo; ingano yazo yitezwe gutangazwa mu mwaka wa 2017.
Ibarura nk’iri riheruka gukorwa mu mwaka wa 2010 ryagaragaje ko Pariki y’Igihugu y’Ibirunga ifite ingagi 480 zikaba zariyngereyeho 26.3% ugereranyije n’umwaka wa 2003 ubwo zari 380.

Umuyobozi Mukuru w’Ishami ry’Ubukerarugendo muri RDB


Ikindi kintu cyatekerejweho mu rwego rwo kongera umusaruro w’ubukererarugendo ni inama mpuzamahanga, imurikagurisha n’ibindi bikorwa bihuza abantu benshi mu gihugu, aho mu mwaka wa 2013 byinjirije u Rwanda miliyoni 49 z’amadolari y’Amerika, nk’uko byagaragajwe na raporo za RDB muri uwo mwaka.

Hatekerejwe Convention Bureau hagamijwe kongera ubukerarugendo bw’inama, aho u Rwanda rufite intego yo kuba mu bihugu 10 bya mbere muri Afurika bizaba bisurwa cyane guhera muri uyu mwaka wa 2016.





 

Comments

Who are you?
Your post
  • To create paragraphs, just leave blank lines.

 
 
RDB irashaka ko buri munyarwanda aba mukerarugendo
RDB irashaka ko buri munyarwanda aba mukerarugendo

Ikigo cy’Igihugu cy’Iterambere (RDB) gifatanyije, inzego za Leta ndetse n’abikorera mu rwego rw’ubukerarugendo cyatangije ubukangurambaga bwiswe “Tembera u Rwanda” bugamije gufasha Abanyarwanda (...)

Ubwoko bw’ibikeri bwari bwarazimye bwavumbuwe mu Rwanda
Ubwoko bw’ibikeri bwari bwarazimye bwavumbuwe mu Rwanda

Ubwoko bw’ibikeri bwa Bururi (Cardioglossa cyaneospila), bwamaze imyaka 50 bwarazimye burundu bwavumbuwe muri parike y’igihugu ya Nyungwe. Igikeri cyo muri ubwo bwoko cyabonywe muri Nyungwe (...)

Kigali: Hoteli 6 mu 10 zari zafunzwe zakomorewe
Kigali: Hoteli 6 mu 10 zari zafunzwe zakomorewe

Ubuyobozi bw’Ikigo cy’Igihugu cy’Iterambere (RDB) bwatangaje ko bwakomoreye hoteli esheshatu mu 10 zarizafunzwe guhera ku wa Gatanu w’icyumweru gishize kuko zitari zujuje ibisabwa, zikaba zemerewe (...)

Kigali: Marriott Hotel ishobora gufungura muri Gashyantare 2016
Kigali: Marriott Hotel ishobora gufungura muri Gashyantare 2016

Ikigo Mpuzamahanga cyo muri Amerika gikora ibiyanye n’amahoteli n’ubukerarugendo (Marriott International, Inc.) cyatangaje ko Hoteli Marriott yuzuye mu Mujyi wa Kigali izafungura muri Gashyantare (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.