Advertisement
 
 
 
 
 
 
 
 

Ubukerarugendo

RDB irashaka ko buri munyarwanda aba mukerarugendo   

  Yanditswe na NTAWITONDA JEAN CLAUDE
 2 months ago

 
 

Ikigo cy’Igihugu cy’Iterambere (RDB) gifatanyije, inzego za Leta ndetse n’abikorera mu rwego rw’ubukerarugendo cyatangije ubukangurambaga bwiswe “Tembera u Rwanda” bugamije gufasha Abanyarwanda guhindura imyumvire bafite ku bukerarugendo kuko bukiri inzitizi mu kongera umusaruro w’ubukerarugendo.

Mu kiganiro n’Abanyamakuru kuri uyu wa 29 Nzeri 2016, Umuyobozi mukuru muri RDB ushinzwe ubukerarugendo Belise Kaliza, yahamije ko ubu bukangurambaga bugamije gukura imyumvire mu banyarwanda ko ubukerarugendo ari ubw’abanyamahanga n’abakire gusa.

Yagaragaje ko bibabaje kuba abanyamahanga basura urwanda bakarumenya abaturanye n’ibyiza nyaburanga ubwabo batabisobanukiwe mu gihe kubimenya bifite inyungu nyinshi.



Abanyamahanga n’Abanyarwanda bake ni bonyine bagize uruhare mu kwinjiriza u Rwanda miliyoni zirenga 600 z’amadolari ya Amerika mu mwaka wa 2014 n’uwa 2015.

Mu gihe byitezwe koumusaruro w’ubukerarugendo ugomba kuziyongeraho 25% bitarenze mu 2018, Kaliza yasabye buri wese kumenya amahirwe yo kumenya ibyiza nyaburanga birimo n’amateka y’igihugu byafasha u Rwanda gukomeza kwagura uru rwego rugira uruhare rukomeye mu guhindura isura y’igihugu.

Ati “Buri Munyarwanda yaba umukerarugendo… Impamvu tubikora ni uko tuba tuzamura ubukungu bw’u Rwanda. Leta izakomeza kureba uko u Rwanda rwatemerwa nab a mukerarugendo nyarwanda n’abanyamahanga kugira ngo uru rwego rukomeza gufasha mu kuzamura ibikorwa remezo. ”

Yasobanuye ko mu bushakashatsi bwakozwe na RDB mu mwaka ushize wa 2015, hagamijwe kumenya igitera Abanyarwanda kudasura ibyiza by’iwabo basanze imyumvire ku bukerarugendo ikiri hasi, kubura umwanya no kuba hari abatarasobanukirwa n’uwabayobora ahari ibyiza basura.

Abanyarwanda bamazwe impungenge ko iyo basuye amasite y’ubukerarugendo agera kuri 224 yamaze kugaragara ku biciro biri hasi cyane ku byo abanyamahanga bishyura.

By’umwihariko mu mezi atatu ya mbere abanziriza ubukangurambaga, ababyifuza bashyiriweho uburyo bubafasha kubatwara no kubatembereza kuri aya masite ku buntu bari mu matsinda kuko byagaragaye ko ari byo benshi bishimira.

Faustin Karasira ukuriye ishami ry’ubukerarugendo muri RDB yongeyeho ko biteye agahinda n’ipfunwe gutura mu Rwanda ukaba utarasobanukirwa n’ibyiza bitatse igihugu mu gihe mu mahanga usanga abanyagihugu ari bo basura ibyiza by’ibihugu byabo kurusha abavuye hanze.

Zimwe mu nyungu abakora ubukerarugendo bahishiwe ni ukunguka byinshi ku duce dutandukanye n’amateka yatwo, kuruhuka, kumenya inyamaswa n’ibindi.

RDB yemeza ko uko ubukungu bw’u Rwanda buzamuka ari na ko umubare w’abahindura imyumvire ku bukerarugendo wiyongera.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
RDB irashaka ko buri munyarwanda aba mukerarugendo
RDB irashaka ko buri munyarwanda aba mukerarugendo

Ikigo cy’Igihugu cy’Iterambere (RDB) gifatanyije, inzego za Leta ndetse n’abikorera mu rwego rw’ubukerarugendo cyatangije ubukangurambaga bwiswe “Tembera u Rwanda” bugamije gufasha Abanyarwanda (...)

Ubwoko bw’ibikeri bwari bwarazimye bwavumbuwe mu Rwanda
Ubwoko bw’ibikeri bwari bwarazimye bwavumbuwe mu Rwanda

Ubwoko bw’ibikeri bwa Bururi (Cardioglossa cyaneospila), bwamaze imyaka 50 bwarazimye burundu bwavumbuwe muri parike y’igihugu ya Nyungwe. Igikeri cyo muri ubwo bwoko cyabonywe muri Nyungwe (...)

Kigali: Hoteli 6 mu 10 zari zafunzwe zakomorewe
Kigali: Hoteli 6 mu 10 zari zafunzwe zakomorewe

Ubuyobozi bw’Ikigo cy’Igihugu cy’Iterambere (RDB) bwatangaje ko bwakomoreye hoteli esheshatu mu 10 zarizafunzwe guhera ku wa Gatanu w’icyumweru gishize kuko zitari zujuje ibisabwa, zikaba zemerewe (...)

Kigali: Marriott Hotel ishobora gufungura muri Gashyantare 2016
Kigali: Marriott Hotel ishobora gufungura muri Gashyantare 2016

Ikigo Mpuzamahanga cyo muri Amerika gikora ibiyanye n’amahoteli n’ubukerarugendo (Marriott International, Inc.) cyatangaje ko Hoteli Marriott yuzuye mu Mujyi wa Kigali izafungura muri Gashyantare (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.