Advertisement
 
 
 
 
 
 
 
 

Ubukerarugendo

Kigali: Hoteli 6 mu 10 zari zafunzwe zakomorewe   

  Yanditswe na IMVAHO NSHYA
 4 months ago

 
 

Ubuyobozi bw’Ikigo cy’Igihugu cy’Iterambere (RDB) bwatangaje ko bwakomoreye hoteli esheshatu mu 10 zarizafunzwe guhera ku wa Gatanu w’icyumweru gishize kuko zitari zujuje ibisabwa, zikaba zemerewe gukomeza imirimo nyuma yo gukora ibyo zasabwaga byose ngo zibe zujuje ubuziranenge.

Nyuma yo gusurwa kuri uyu wa mbere tariki 11 Nyakanga 2016, intumwa za RDB, iz’Ikigo cy’Igihugu cy’Ubuziranege (RSB), REG, RURA, PSF, Minisiteri y’Ubuzima, Polisi n’izindi nzego, basanze hoteli enye zisigaye zitarubahiriza ibyo zasabwaga kuzuza kugira ngo zitange serivisi zinoze.

Ibi ngo byakozwe muri gahunda yo kugenzura imitangire ya serivisi mu mahoteli yo mu Rwanda nyuma ya raporo yasohowe na Komite ya RDB ishinzwe ubuziranenge bwa hoteli yagaragaje ibigomba kugenderwaho kugira ngo Hoteli yemererwe gukora yubahirije ibisabwa.

Ibirebwaho cyane ni imitangire ya serivisi, uko abantu bakirwa na yombi, isuku n’umucyo, korohereza abantu bose kuyigeramo barimo n’abafite ubumuga n’ibindi.

Umuyobozi ushinzwe ibikorwa muri RDB Serge Kamuhinda yagize ati “Ntiruzigera twingingira abantu kubaha ubuzima bwiza bw’abaturage n’isura y’u Rwanda nk’igihugu cyakira ba mukerarugendo. Hoteli zafunzwe zahawe ibyo zigomba gukosora kugira ngo zongere kwemererwa gukora zimaze guhinduka nzima.”

Ubuyobozi bwa RDB burategura gukomeza iyi gahunda muri hoteli zitandukanye zo mu Rwanda kugira ngo serivisi zinoze zikomeze kubungabungwa, ndetse izi hoteli ziranashimirwa uburyo zikemura byihuse ibibazo byagaragaye.

Belise Kariza ushinzwe ishami ry’ubukerarugendo muri RDB, akaba ari no mu itsinda riri gukora ubugenzuzi, yongeyeho ati “Vuba aha RDB izatangira guha ibyangombwa byemerera gukora nta nkomyi abatanga serivisi bujuje ibisabwa.”

Yasabye inzego zose gufatanya mu gushyira mu bikorwa itegeko 12ter/2014 rigenga ubukerarugendo mu Rwanda kugira ngo abakiriya bose bajye babona serivisi zinoze kandi zihwanye mu gihugu hose.

RDB kandi irashimira abashoramari bahisemo guteza imbere urwego rw’amahoteli, uruhare bagira mu guharanira ko Kigali yaba igicumbi cya gahunda nshya yo kwakira inama n’ibindi bikorwa (MICE) u Rwanda rwitsemo akayabo ka buri mwaka.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
RDB irashaka ko buri munyarwanda aba mukerarugendo
RDB irashaka ko buri munyarwanda aba mukerarugendo

Ikigo cy’Igihugu cy’Iterambere (RDB) gifatanyije, inzego za Leta ndetse n’abikorera mu rwego rw’ubukerarugendo cyatangije ubukangurambaga bwiswe “Tembera u Rwanda” bugamije gufasha Abanyarwanda (...)

Ubwoko bw’ibikeri bwari bwarazimye bwavumbuwe mu Rwanda
Ubwoko bw’ibikeri bwari bwarazimye bwavumbuwe mu Rwanda

Ubwoko bw’ibikeri bwa Bururi (Cardioglossa cyaneospila), bwamaze imyaka 50 bwarazimye burundu bwavumbuwe muri parike y’igihugu ya Nyungwe. Igikeri cyo muri ubwo bwoko cyabonywe muri Nyungwe (...)

Kigali: Hoteli 6 mu 10 zari zafunzwe zakomorewe
Kigali: Hoteli 6 mu 10 zari zafunzwe zakomorewe

Ubuyobozi bw’Ikigo cy’Igihugu cy’Iterambere (RDB) bwatangaje ko bwakomoreye hoteli esheshatu mu 10 zarizafunzwe guhera ku wa Gatanu w’icyumweru gishize kuko zitari zujuje ibisabwa, zikaba zemerewe (...)

Kigali: Marriott Hotel ishobora gufungura muri Gashyantare 2016
Kigali: Marriott Hotel ishobora gufungura muri Gashyantare 2016

Ikigo Mpuzamahanga cyo muri Amerika gikora ibiyanye n’amahoteli n’ubukerarugendo (Marriott International, Inc.) cyatangaje ko Hoteli Marriott yuzuye mu Mujyi wa Kigali izafungura muri Gashyantare (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.