Advertisement
 
 
 
 
 
 
 
 

Ubuhinzi

RAB yanenze abahinzi baturiye imigezi babuze umusaruro   

  Yanditswe na Gatete Jean Bosco
 5 months ago

 
 

Ubuyobozi bw’Ishami rishinzwe kongera umusaruro no kwihaza mu biribwa mu kigo cy’Igihugu gishinzwe Ubuhinzi n’Ubworozi (RAB) bwatangaje ko bibabaje kubona hari Abanyarwanda baturanye n’ibiyaga ndetse n’imigezi itemba ariko bakaba bakirumbya imyaka yabo.

Aganira n’Imvaho Nshya Umuyobozi w’iri shami Dr Ndabamenye Télésphore yavuze ko abahinzi baturanye n’imigezi birengagiza ko ari amahirwe baba bafite y’amazi ashobora kuhira imyaka yabo igahorana itoto.

Yagize ati “Birababaje kubona umuturage w’umuhinzi ufite umurima hafi y’umugezi, imvura ibura ibyumweru bibiri akabura umusaruro kubera kutuhira.”

Yakomeje avuga ko kuhira gusa ataribwo buryo butuma umuturage agera ku musaruro kuko binasaba gukoresha ifumbire mvaruganda n’iy’imborera cyangwa ishwagara bitewe n’imiterere y’ubutaka.

JPEG - 2.9 Mb
Abahinzi baturiye imigezi barasabwa kwitabira kuhira imyaka bakoresheje amazi abacika kandi ari umutungo wababyarira inyungu

Abajijwe icyo RAB ikora kugira ngo umusaruro w’ubuhinzi wiyongere, yagize ati “Hashyizwe miliyari 1 na miliyoni 400 muri gahunda ya ‘Twigire Muhinzi’, hashyirwa miliyari 2 muri gahunda ijyanye n’ishwagara.”

Ku bijyanye n’imirima nyungurabumenyi ifasha abahinzi kubona uko biga bareba uburyo bw’imihingire bakora niba buhuye n’ibyo babona, Dr Ndabamenye yavuze ko mu turere dutandukanye hari iyo mirima.

Abahinzi bibutswa ko mu gukomeza kubafasha guhangana n’indwara zibasira imyaka, RAB yabashyikirije amavuriro y’ibihingwa aho bazajya bazana ibyagaragaje uburwayi bigasuzumwa bityo bakanasobanurirwa uko izo ndwara zirindwa.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
U Rwanda rwiteze umuti rukumbi w’amapfa ku kuvugurura ubuhinzi
U Rwanda rwiteze umuti rukumbi w’amapfa ku kuvugurura ubuhinzi

Minisiteri y’Ubuhinzi n’Ubworozi yatagaje ko ubuhinzi bw’u Rwanda bukeneye ivugururwa mu guhangana n’ibibazo by’ubuhinzi bw’u Rwanda buvugwaho kuba bwaratewe n’ihindagurika ry’ibihe ryanateye ibura (...)

RAB yanenze abahinzi baturiye imigezi babuze umusaruro
RAB yanenze abahinzi baturiye imigezi babuze umusaruro

Ubuyobozi bw’Ishami rishinzwe kongera umusaruro no kwihaza mu biribwa mu kigo cy’Igihugu gishinzwe Ubuhinzi n’Ubworozi (RAB) bwatangaje ko bibabaje kubona hari Abanyarwanda baturanye n’ibiyaga (...)

Abahinzi nyarwanda bahindura imyumvire bongerewe amahirwe y’umusaruro
Abahinzi nyarwanda bahindura imyumvire bongerewe amahirwe y’umusaruro

Abanyarwanda bakomeje gukangurirwa guhindura imyumvire ku bijyanye n’imikoreshereze y’ubutaka, ubuhari bukabyazwa umusaruro mwinshi aho gukomeza kugendera ku myumvire y’abakurambere bumvaga ko (...)

BURERA:Abatunze akarima k’igikoni byo ‘kwikiza Gitifu’ banenzwe
BURERA:Abatunze akarima k’igikoni byo ‘kwikiza Gitifu’ banenzwe

Ubuyobozi bw’Akarere ka Burera burasaba abaturage kumva ko gahunda y’akarima k’igikoni ari iyabo, bakakitabira bitari ukwikiza abayobozi nk’uko byagaragaye kuri bamwe banagahimbye amazina agaragaza (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.