2017-05-27 10:19:18 clouds 27o High | Kigali Rwanda

Dukurikire:
 
 

Abahinzi nyarwanda bahindura imyumvire bongerewe amahirwe y’umusaruro

Yanditswe na Claude Ntawitonda

Kuya 2016-06-14 06:06:27

 
Share on:
 
Yasuwe:50
 
Yavuzweho:200
 
10
 
10

Abanyarwanda bakomeje gukangurirwa guhindura imyumvire ku bijyanye n’imikoreshereze y’ubutaka, ubuhari bukabyazwa umusaruro mwinshi aho gukomeza kugendera ku myumvire y’abakurambere bumvaga ko uburumbuke buva ku mana gusa, bakirengagiza uruhare rwabo rukenewe.

Ikigo Balton Rwanda cyatangije imishinga itandukanye ifungurira abahinzi nyarwanda amahirwe yo gukoresha ubutaka buke bw’igihugu bukabyara umusaruro utubutse unemewe ku isoko mpuzamahanga, cyane cyane ku buhinzi bw’imbuto n’imboga.

Iyi mishinga yatangijwe ku bufatanye na Guverinoma y’u Rwanda imiryango yegamiye kuri Leta n’itegamiye kuri Leta mu gufasha abanyarwanda kuva mu buhinzi bwa gakondo bakayoboka ubwa kijyambere budasaba kuba ufite ubuso bw’ubutaka bunini cyane.

Abahinzi bashobora guhinga ku buso buto bakabona umusaruro utangaje

Hagendewe ku muvuduko w’ubwiyongere bw’abaturage kuva mu 2002 kugeza 2012, Ikigo cy’Igihugu cy’Ibarurishamibare mu Rwanda (NISR) giteganya ko mu 2032 abatuye mu Rwanda bazaba bageze kuri miliyoni 16.5 bakazanikuba kabiri mu mwaka wa 2062 bavuye kuri miliyoni zigera kuri 11 barutuye.

Uko abaturage baziyongera si ko n’ubuso bw’ubutaka buziyongera. U Rwanda ni urwa 27 mu bihugu bituwe cyane muri Afurika ku buso bwa kilometero kare 26 338 aho buri kirometerokare ibarirwa abaturage 415.

Impuguke mu by’ubuhinzi ndetse na bamwe mu bahinzi bamaze gusobanukirwa n’agaciro k’ubuhinzi bwa kijyambere bahamya ko ubutaka busigaye bugihingwa mu buryo bwa gakondo budindiza iterambere ry’ubuhinzi mu Rwanda.

Bamwe mu baturage baganye Ikigo Balton Rwanda kikabafasha mu buhinzi bwa kijyambere bavuga ko bahumutse nyuma yo kubona ko ubutaka buto bwabyazwa umusaruro ikibura ari uguhindura imyuvire ku muhinzi.

JPEG - 229.8 kb
Safari Evariste asobanurira abahinzi uburyo bafite ubutaka batabyaza umusaruro ukwiye

Cyangwene Maria Goreth umuhinzi-mworozi mu murenge wa Bumbogo Akarere ka Gasabo yagize ati “Ba data na ba sogokuruza bacu uzi y’uko bamishaga; kubera ko wenda byari igihe hari n’amasambu bagahinga igihe kimwe ikindi bakaharaza, ariko ubu ntabwo ari ko bimeze urahinga ukongera ugasubizamo nubwo ugenda uhinduranya imyaka uko bagenda baguhugura. Ubwo rero gakondo muri iki gihe ntiyakunda, gukora ikintu cyose udahugukiwe biragora.”

Uwamahoro Angès ukora ubuhinzi bw’imboga n’imbuto mu karere ka Bugesera yongeyeho ati “Igihe abantu bategerezagamo imvura ntabwo ari cyo gihe igwira, ibyo byonyine bikwiye guhita bikwereka ko umuhinzi akwiye guhindura imyumvire. Igihe yategerezaga ko yagombaga kuba yateguye umurima ubu byarahindutse imvura isigaye itungurana ikanacika itunguranye.”

JPEG - 187.1 kb
Safari Evariste, Umuyobozi w’Ishami ry’ubuhinzi muri Balton Rwanda Ltd

Umuyobozi w’Ishami ry’ubuhinzi muri Balton Rwanda SAFARI Evariste yashimangiye ko hari impamvu nyinshi abahinzi bakwiye guhindura imyumvire, ashimangira ko Balton Rwanda ifitanye ubufatanye na minisiteri y’Ubuhinzi mu gukwiza iyi mishinga ijyane no kuhira imyaka mu mirima yo hanze cyangwa guhinga mu nzu (Green House), cyane cyane imboga n’imbuto.

Yagize ati “Dufitanye amasezerano yo gukwiza iri koranabuhanga binyuze muri gahunda yiswe “Nkunganire” bitewe n’uko Minagri yabonye ko umuhinzi ashobora kuba afite ubutaka n’amazi kugira ngo kuhira bikorwe. Bashyizeho lisiti y’abahinzi bazafashwa, Leta ifite amafaranga yishyura umuhinzi akagira amafaranga yishyura. Twe nk’abafatanyabikorwa turaza tukagukorera ibyo ukeneye byose.”

Abanyarwanda batuye muri Kigali no mu yindi mijyi bibukijwe ko bashobora guhinga mu busitani aho guhingamo indabo n’ibindi bimera bidatanga umusaruro.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE