2017-12-13 09:46:30 clouds 27o High | Kigali Rwanda

Dukurikire:
 
 

Basketball: Abakinnyi 10 bo kwitega muri shampiyona ya 2017-2018

Yanditswe na IMVAHO NSHYA

Kuya 2017-12-04 08:52:59

 
Share on:
 
Yasuwe:578
 
Yavuzweho:200
 
10
 
10

Shampiyona y’igihugu y’umukino wa Basketball mu kiciro cy’abagabo “ FERWABA National League Men 2017-2018” yatangiye ejo hashize tariki 2 Ukuboza 2017.Mu makipe 9 yitabiriye iyi shampiyona yagerageje kwiyubaka kugira ngo azabashe kuzitwara neza.

JPEG - 307.8 kb
Nkurunziza Walters, umukinnyi mushya wa REG BBC wavuye muri Patriots BBC

Imvaho Nshya yifuje kubagezaho abakinnyi 10 bahinduye amakipe wakwitega muri shampiyona ya 2017-2018

SHYAKA OLIVIER
Shyaka Olivier usanzwe ari umukinnyi ngenderwaho mu ikipe y’igihugu nkuru ya Basketball, ni umwe mu bakinnyi bashya b’ikipe ya REG BBC bazayikinira muri shampiyona ya 2017-2018.

Uyu mukinnyi wahesheje Espoir BBC ibikombe 3 bya shampiyona kuva yayigeramo kuva mu 2013 yitezweho kwigaragaza muri REG BBC. Shyaka ari mu bagize uruhare runini ayifasha kwegukana irushanwa ribanziriza shampiyona “Pre-Season Tournament 2017”.

Muri uyu mwaka wa 2017, Shyaka wari kapiteni wa Espoir BBC yatwaranye na yo irushanwa ryo kwibuka abazize Jenoside yakorewe Abatutsi mu 1994 ku makipe y’imbere mu gihugu.

KAJE ELIE
Kaje Elie, umukinnyi mushya wa REG BBC wasinye imyaka ibiri, yayigezemo avuye muri Patriots BBC. Kaje uherutse gutwarana na REG BBC igikombe kibanziriza shampiyona, ni umwe mu bategejweho kuyifasha kugera ku ntego yihaye zirimo gutwara shampiyona n’irushanwa ry’Akarere ka 5 “Zone V Club Championship” rizaba mu 2018.

Kaje Elie usanzwe ukinira ikipe y’igihugu ya Basketball, watangiye gukinira Patriots BBC mu 2016, yatwaranye nayo shampiyona ya 2016, irushanwa ryo kwibuka ry’imbere mu gihugu na mpuzamahanga (2016), igikombe cya “Play offs 2017”, icy’irushanwa ribanziriza shampiyona (2016) n’irushanwa ry’Intwari “Heroes Tournament 2016”.

HAGUMINTWARI STEVE
Uyu mukinnyi ukinira ikipe y’igihugu ya Basketball, ni umwe mu bategerejweho byinshi muri shampiyona ya 2017-2018 nyuma y’uko yerekeje muri Patriots BBC avuye muri IPRC-Kigali BBC.

Hagumintwari watsinze ibitego byinshi (20) mu mukino wa ½ w’irushanwa ribanziriza shampiyona Patriots BBC yatsinzwemo na REG amanota 72 kuri 67, yaje no kuyifasha kwegukana umwanya wa 3.

Hagumintwari Steve watangiye gukinira IPRC-Kigali BBC mu 2013 mu myaka 4 ayimazemo yayifashije gusoreza ku mwanya wa 3 muri shampiyona ya 2017, ayihesha irushanwa ry’intwari “National Heroes Tournament 2017”.

NKURUNZIZA WALTERS
Nkurunziza Walters ni umukinnyi mushya wa REG BBC yayigezemo avuye muri Patriots BBC akaba azayikinira muri shampiyona ya 2017-2018. Uyu mukinnyi wasinye imyaka ibiri muri REG BBC ari mu bigaragaje mu mikino y’irushanwa ribanziriza shampiyona ndetse anayifasha kwegukana igikombe batsinze IPRC-Kigali BBC.

Muri 2017, Nkurunziza yafashije Patriots BBC gusoreza ku mwanya wa 2 muri shampiyona ndetse ayigeza ku mukino wa nyuma w’amarushanwa y’Akarere ka 5 “Zone V Club Championship 2017”.

Nkurunziza Walters wabaye ngenderwaho mu gihe cyose yabaye muri Patriots BBC yatwaranye nayo igikombe cya shampiyona (2016), irushanwa ryo kwibuka ry’imbere mu gihugu na mpuzamahanga (2016), igikombe cya “Play offs 2017”, “Pre-Season 2016”, n’irushanwa ry’Intwari “Heroes Tournament 2016”.

KAJEGUHAKWA BUNENE
Kajeguhakwa Gedege Bunene, ni umwe mu bakinnyi bitezweho gufasha APR BBC kwitwara neza muri shampiyona y’uyu mwaka w’imikino wa 2017-2018.
Uyu mukinnyi wavuye muri REG BBC aherutse kugaragaza ko hari byinshi ahishiye abakunzi b’iyi kipe muri uyu mwaka, ni nyuma y’uko yitwaye neza mu mikino y’irushanwa ribanziriza shampiyona.

Yaje gufasha APR BBC kugera muri ½ inasoreza ku mwanya wa 4 mu makipe 8 yari yitabiriye iyi mikino itsinzwe na Patriots BBC mu guhatanira umwanya 3.

MBANZE BRYAN

Mbanze Bryan, ni umukinnyi mushya wa APR BBC akaba yarayigezemo avuye muri Espoir BBC. Uyu mukinnyi wagize uruhare mu bikombe Espoir BBC yatwaye mu gihe cyose yayibayemo, ari mu bahanzwe amaso n’abakunzi b’uyu mukino afatanya n’abakinnyi bagenzi bafasha APR BBC kwitwara neza muri shampiyona ya 2017-2018.
Mu 2017, Mbanze Bryan yayifashije gusoreza ku mwanya wa 4 muri shampiyona, atwarana nayo igikombe cyo kwibuka abazize Jenoside yakorewe Abatutsi mu 1994 ku makipe y’imbere mu gihugu (2017).

NSHOBOZWABYOSENUMUKIZA WILSON
Nshobozwabyosenumukiza Jean Jacques Wilson ari mu bakinnyi bahinduye amakipe bakiniraga bitezweho byinshi muri shampiyona ya 2017-2018. Uyu mukinnyi werekeje muri REG BBC avuye muri Espoir BBC akaba abikesha kuba yaragize ibihe byiza nyuma y’umwaka umwe ayikinira.

Nshobozwabyosenumukiza yitezweho kuzatanga umusaruro muri REG BBC ubwo azaba afatanya n’abakinnyi asanze muri iyi kipe barimo kapiteni wayo Kazingufu Ali.
Nshobozwabyosenumukiza yageze muri Espoir BBC nyuma yo kwigaragaza mu mikino y’ Afurika mu batarengeje imyaka 18 muri Basketball “FIBA Africa U-18 Championship 2016” yabereye mu Rwanda kuva tariki 22-31 Nyakanga 2016.

IYAKAREMYE EMMANUEL
Iyakaremye uzwi ku izina rya “Zoulu”, ni umukinnyi wa APR BBC uzayikinira muri shampiyona y’uyu mwaka w’imikino wa 2017-2017 akaba yarayigezemo avuye muri Espoir BBC.

Uyu mukinnyi wagize uruhare runini mu bikombe byose ikipe ya Espoir BBC yagiye itwara mu gihe yayikiniraga ari mu bategerejwe gufasha APR BBC kongera kuyigarurira icyubahiro n’igitinyiro yahoranye mu myaka ishize.

Iyakaremye wagaragaye akinira iyi kipe mu mikino y’irushanwa ribanziriza shampiyona “Pre-Season Tournament 2017” mbere yo kuva muri Espoir BBC yayihesheje igikombe cyo kwibuka abazize Jenoside yakorewe Abatutsi mu 1994 ku makipe y’imbere mu gihugu (2017) anayigeza ku mukino wa nyuma muri iri rushanwa mpuzamahanga.

NIJIMBERE GUIBERT
Nijimbere Guibert ukomoka mu Burundi ni umwe mu bakinnyi bashya b’ikipe ya IPRC-Kigali BBC witezweho kuzayifasha kwitwara neza muri shampiyona y’umwaka w’imikino wa 2017-2018.

Uyu mukinnyi w’imyaka 21 y’amavuko yasinye imyaka 3 muri IPRC-Kigali BBC avuye muri New Star BBC i Burundi. Akaba yari yafashije New Star BBC kwegukana umwanya wa 3 muri shampiyona y’u Burundi.

Nijimbere wigaragaje mu marushanwa abanziriza shampiyona “Pre-Season Tournament 2017” yafashije IPRC-Kigali BBC kugera ku mukino wa nyuma baza gutsindwa na REG BBC ku manota 76 kuri 71.

RURANGIRWA KAREKEZI PASCAL
Rurangirwa Karekezi Pascal ni umwe mu bakinnyi bashya ba Patriots BBC bazayikinira muri shampiyona ya 2017-2018. Uyu mukinnyi akaba yarageze muri Patriots BBC avuye muri APR BBC na yo yari amazemo umwaka umwe. Karekezi wamenyekanye akina muri Espoir BBC na we ari mu bitezweho kwigaragaza muri shampiyona bijyanye n’ubunararibonye afite muri Basketball y’u Rwanda.

NKOMEJE GUILLAUME

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE