2017-12-13 06:59:31 clouds 27o High | Kigali Rwanda

Dukurikire:
 
 

Ambasaderi wa USA ashima uko u Rwanda rurwanya Sida

Yanditswe na IMVAHO NSHYA

Kuya 2017-11-14 08:51:48

 
Share on:
 
Yasuwe:63
 
Yavuzweho:200
 
10
 
10

Ambasaderi wa Leta Zunze Ubumwe z’Amerika mu Rwanda Erica J. Barks-Raggles yashimye u Rwanda imbaraga rukoresha kugira ngo ababyeyi batwite babyare batanduje abana bavuka.

JPEG - 258.4 kb
Ambasederi w’Amerika mu Rwanda, Erica J. Barks-Ruggles mu kiganiro n’itangazamakuru

Mu kiganiro Ambasaderi w’Amerika mu Rwanda, Erica J. Barks-Raggles yagiranye n’itangazamakuru ejo hashize tariki ya 13 Ugushyingo 2017, yashimiye u Rwanda uburyo rwashyize imbaraga mu kurinda ababyeyi bafite ubwandu batwite kugira ngo babyare batanduje abana bavuka, gahunda yo gutangiza imiti abantu bose bafite ubwandu bushya.

Ati “Ibyo byose ni ukugira ngo u Rwanda ruzagere neza ku ntego mpuzamahanga yo kuba 90% by’abantu bafite ubwandu bazaba bazi uko bahagaze, 90% by’abafite ubwandu babona imiti na 90% by’ababona imiti batanduza abandi.”

Yavuze ko igihugu ke kibinyujije mu nkunga yihuse Perezida w’Amerika atanga mu kigega cyo kurwanya Sida (PEPFAR) hamaze gushorwa arenga miliyari imwe y’amadolari y’Amerika mu gutera inkunga ibikorwa byo kurwanya icyo cyorezo mu Rwanda, muri miliyari 70 zimaze gutangwa ku isi hose mu myaka 14 ishize.

Amb. Raggles yavuze ko PEPFAR ifasha mu gutanga imiti ku babana n’ubwandu bw’agakoko gatera Sida ku bantu barenga ibihumbi 94 barimo 1 800 b’abana, abo bose bangana na 52% by’abantu bafata imiti ya VIH Sida mu Rwanda kandi hari gahunda ko bazakomeza kubafata mu nshingano.

Yakomeje avuga ko nubwo kugeza ubu nta muti nta n’urukingo rwa Virusi itera Sida, ku nshuro ya mbere mu mateka hazaba igihe cy’amahirwe cyo kugabanya igiciro kigenda mu kurwanya icyo cyorezo.

Ati “Guverinoma ya Leta Zunze Ubumwe z’Amerika ibinyujije muri gahunda ya PEPFAR irashyira ingufu mu ngamba nshya yo kongera imbaraga mu guhangana no gukwirakwira kw’iki cyorezo hamwe na gahunda yo guhangana n’iki cyorezo mu Rwanda no mu bihugu bike byo muri Afurika mu mpera z’umwaka wa 2020.”

Ambasaderi Raggles yaboneyeho gutangaza ko tariki ya 19 Ugushyingo 2017 hateguwe gahunda y’ubukangurambaga bw’ibikorwa byo kurwanya icyorezo cya Sida i Kigali, ubukanguramabaga buzabera kuri sitade Regional i Nyamirambo butegura umunsi mpuzamahanga wo kurwanya Sida uzaba tariki ya 1 Ukuboza 2017.

MUTUNGIREHE SAMUEL

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE