2017-11-24 09:36:46 clouds 27o High | Kigali Rwanda

Dukurikire:
 
 

Miliyari 18 mu misoro yanyerejwe mu myaka ine

Yanditswe na IMVAHO NSHYA

Kuya 2017-11-10 08:02:58

 
Share on:
 
Yasuwe:249
 
Yavuzweho:200
 
10
 
10

Umuyobozi mukuru w’ishami rishinzwe gukurikirana ibyaha bimunga ubukungu bw’igihugu, Nyirurugo Jean Marie Vianney, avuga ko mu gihe k’imyaka 4 mu rwego rw’imisoro harigishijwe Miliyari 18 z’amafaranga y’u Rwanda.

JPEG - 327.7 kb
Umushinjacyaha Mukuru wa Repubulika Mutangana Jean Bosco (iburyo) aganira na Hon. Nkusi Juvenal uyobora komisiyo ya PAC (Foto James R.)

Ibi yabitangarije i Kigali ejo hashize tariki 9 Ukwakira 2017 mu kiganiro yahaye abagize inzego zitandukanye zishinzwe kurwanya ruswa harimo umushinjacyaha mukuru wa Repubulika Mutangana Jean Bosco, Umuvunyi mukuru Anastase Murekezi, abadepite bagize komisiyo ishinzwe gukurikirana imikoreshereze y’imari n’umutungo by’igihugu (PAC) bakuriwe na Hon. Juvenal Nkusi n’izindi nzego zifite mu nshingano kurwanya no gukumira ibyaha bya ruswa n’ibindi byaha bifitanye isano na yo.

JPEG - 329.8 kb
Abayobozi banyuranye bafite aho bahuriye no kurwanya ruswa ndetse no gukurikirana ikoreshwa ry’umutungo w’igihugu bahuriye mu nama (Foto James R.)

Ku byerekeranye n’ibyaha byo kunyereza imisoro nkuko Nyirurugo yabigarutseho, yavuze ko amadosiye yo kunyereza imisoro mu myaka 4 ishize agera kuri 31, yose afite agaciro ka miliyari 18 z’amafaranga y’u Rwanda.

Yongeraho ko kimwe mu bibazo byatumye amafaranga yarigishijwe azamuka, byaturutse ahanini ku masosiyete agera ku ijana ya baringa aba yarashyizweho n’abantu ku giti cyabo bagamije guhererekanya inyemezabwishyu ziganisha ku kunyereza imisoro ya Leta.

Muri iyo myaka kandi ubushinjacyaha bwakiriye amadosiye asaga 2000, buregera amadosiye 1499, aregwamo abantu bakurikiranyweho kunyereza umutungo wa Leta ugera kuri miliyari 44, harimo ibyaha bya ruswa, n’abakoresheje nabi umutungo wa Leta n’abayakoresheje ibyo atari agenewe.

Umushinjacyaha mukuru wa Repubulika, Mutangana Jean Bosco, yibanze ku buremere bw’ibyaha bimunga ubukungu bw’igihugu n’ingaruka bitera ku baturage, aho yavuze ko n’iyo ryaba ari ifaranga rimwe ryanyerejwe bigira ingaruka ku nzego zose z’igihugu.

Urwego rw’umuvunyi rwatanze urutonde rw’inzego 6 zirimo ruswa
Umushinjacyaha ku rwego rw’umuvunyi Nsengiyumva Emmanuel yagaragaje inzego zigera kuri 5 zivugwamo ikibazo cya ruswa, izo n’inzego ziri ku kigero cya 5.4%.
Muri izo nzego harimo Urwego rushinzwe gutanga serivise z’amazi n’umuriro ari rwo ruri hejuru ku kigereanyo cya 18.1%, Polisi iri kuri 15.5%, Ubutabera kuri 5.1%, Urwego rw’uburezi ruri ku kigero cya 3.5%, Urwego rw’imisoro ruri kuri 3%, n’Urwego rw’ubuzima ku kigero cya 0.5%.

Avuga ko Urwego rwa Polisi rwashyize imbaraga mu kurwanya ruswa ari na yo mpamvu byamanutse bityo, asaba n’izindi nzego gushyiramo ingufu mu kurwanya ikibazo cya ruswa kigira ingaruka ku bukungu bw’igihugu.

TWAGIRA WILSON

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE