2017-12-13 09:46:30 clouds 27o High | Kigali Rwanda

Dukurikire:
 
 

Basketball: CSK BBC bagaragaje impamvu batazitabira irushanwa ribanziriza shampiyona

Yanditswe na IMVAHO NSHYA

Kuya 2017-11-09 10:05:21

 
Share on:
 
Yasuwe:70
 
Yavuzweho:200
 
10
 
10

Ikipe ya Cercle Sportif de Kigali “CSK BBC” ikina muri shampiyona ya Basketball mu Rwanda ntabwo yagaragaye ku rutonde rw’amakipe 8 mu kiciro cy’abagabo azakina imikino y’irushanwa ribanziriza shampiyona y’umwaka utaha “Pre-Season 2017” rizaba kuva tariki 17 kugeza 27 Ugushingo 2017.

JPEG - 240.5 kb
Muri shampiyona ishize ikipe ya CSK BBC yasoreje ku mwanya wa 10 ari na wo wa nyuma

Iyi mikino y’irushanwa ribanziriza shampiyona ya 2018 “Pre-Season” izitabirwa n’amakipe arimo 30 Plus BBC, APR BBC, IPRC-Kigali BBC, IPRC-South BBC, Patriots BBC, REG BBC na UGB BBC. Mu makipe 10 akina shampiyona, indi kipe itazitabira ni Rusizi BBC.

Mu kiganiro Imvaho Nshya yagiranye n’umuyobozi mukuru w’ikipe ya CSK BBC, Rutajogerwa Callixte yatangaje ko batazitabira imikino y’iri rushanwa kubera ko batiteguye. Yagize ati “Pre-season ubundi hakina uwiteguye neza, utaritegura ashobora kutayikina, kuri iyi Pre-Season ntabwo CSK BBC twiteguye”.

Uyu muyobozi kandi yaboneyeho no kugaragaza ko CSK BBC itaramenya niba izaba iri mu makipe azakina shampiyona ya Basketball y’umwaka utaha wa 2018 gusa bakaba bazamenya gahunda yose mu nama izahuza ubuyobozi bw’iyi kipe izaterana ku Cyumweru tariki 12 Ugushyingo 2017. Ati “Imyiteguro ya shampiyona ntabwo ari cyane, tuzabimenya mu nama izaba ku Cyumweru niba tuzitabira shampiyona cyangwa niba tutazayitabira”.

Rutajogerwa Callixte wemeza ko batangiye imyitozo mu minsi ishize, nyuma y’uko byari bimaze igihe bidakorwa avuga ko nta kibazo bafite kuko n’ubusanzwe basanzwe bakina ko ikigamijwe ari ugutegura ikipe izajya muri shampiyona.

Muri uyu mwaka wa 2017, CSK BBC yaranzwe no kugaragaza imbaraga nke byaje no kuyiviramo gusoreza ku mwanya wa nyuma wa 10 muri shampiyona aho mu mikino 18 yakinnye yatsinze umukino umwe itsindwa 17 isoza ifite amanota 19.
Shampiyona ya 2017-2018 izatangira tariki 01 Ukuboza 2018. Ikipe ya REG BBC ni yo yegukanye igikombe cya shampiyona ya 2016-2017.

NKOMEJE GUILLAUME

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE