2017-12-11 14:03:29 clouds 27o High | Kigali Rwanda

Dukurikire:
 
 

Komisiyo nyafurika z’uburenganzira bwa muntu ziraganira kuri gahunda z’iterambere

Yanditswe na IMVAHO NSHYA

Kuya 2017-11-09 08:09:23

 
Share on:
 
Yasuwe:64
 
Yavuzweho:200
 
10
 
10

Ihuriro nyafurika rya Komisiyo z’ibihugu z’uburenganzira bwa muntu (NANHRI) ryateraniye mu nama i Kigali mu kwiga ku buryo zashyiraho ingamba zo gukomeza guteza imbere iterambere ry’abaturage rishyingiye ku ntego z’ikerekezo k’iterambere rirambye (SDGs) n’ikerekezo cy’Afurika 2063.

JPEG - 345.1 kb
Abayobozi ba za Komisiyo z’uburenganzira bwa muntu mu bihugu 44 by’Afurika bari mu nama i Kigali aho bungurana ibitekerezo harimo no kuganira ku iterambere ry’abaturage b’ibi bihugu (Foto James R.).

Mu gufungura ku mugaragaro inama ya 11 y’iryo huriro rigizwe na Komisiyo z’iturutse mu bihugu 44 by’Afurika, Minisitiri w’Ubutabera akaba n’Intumwa ya Leta, Johnston Busingye yavuze ko kuba izo komisiyo zongeye guterana biza kugira umusanzu zitanga ku ishyirwa mu bikorwa rya gahunda z’iterambere rirambye z’ibihugu bigafasha kurengera ubuzima bw’amamiliyoni y’abaturage bari ku mugabane w’Afurika bacyugarijwe n’ubukene.

JPEG - 328.3 kb
Hagati ni Minisitiri Busingye Johnston, ibumoso ni Fade Ndiaye uhagarariye Umuryango w’Abibumbye mu Rwanda, iburyo ni Nirere Madeleine uyobora komisiyo y’igihugu y’Uburenganzira bwa muntu (Foto James R)

Ati “Akamaro ka za Komisiyo z’uburenganzira bwa muntu turimo kuvugaho muri iyi nama ishingiye by’umwihariko kuri Afurika. Benshi mu baturage bacu baracyari mu bukene, nubwo bashobora kuvanwamo hagize igikorwa. Guverinoma zacu zigomba kuzamura imiyoborere myiza, haba mu ngamba no mu ishyirwa mu bikorwa ryazo niba twiyemeje kugera ku ntego z’iterambere rirambye n’izindi duhuriyeho.”

Yagaragarije ibindi bihugu by’Afurika ko Komisiyo y’igihugu y’uburenganzira bwa muntu mu Rwanda ifasha mu kubahiriza uburenganzira bw’Abanyarwanda n’izindi nzego.

Perezidante wa Komisiyo y’uburenganzira bwa muntu mu Rwanda, Nirere Madeleine yavuze ko abagize izindi komisiyo zo mu bihugu by’Afurika bari bwigire ku y’u Rwanda uburyo ikurikirana ibibazo by’abaturage ku burenganzira bwa muntu na gahunda z’iterambere.

Ati “By’umwihariko mu bijyanye n’uburenganzira bwa muntu barigira ku mikorere ya komisiyo yacu, imikorere yayo, uburyo yigisha abaturage, uko ikurikirana ibibazo by’uburenganzira bwa muntu mu gihugu.”

Florence Simbiri Ganri, Intumwa idasanzwe y’umuyobozi w’Ihuriro nyafurika rya Komisiyo z’uburenganzira bwa muntu rifite ikicaro i Nairobi muri Kenya. Yavuze ko ik’ibanze bagarukaho ari ukureba niba za komisiyo zirinzwe neza kandi zitezwa imbere mu kazi kazo ku kurengera uburenganzira bwa muntu.

Mu gushyira mu bikorwa intego z’ikerekezo k’iterambere rirambye 2030 n’ikerekezo 2063 cy’Afurika barasuzuma intambwe ku yindi ya buri kerekezo n’uruhare bayigiraho mu gufasha Leta kuzamura umuturage akagera ku mibereho myiza aho iterambere rizagerwaho nta n’umwe usigajwe inyuma.

MUTUNGIREHE SAMUEL

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE