2017-11-24 09:36:46 clouds 27o High | Kigali Rwanda

Dukurikire:
 
 

NPC-Rwanda bagiye gufata umwanzuro ku mbabazi Muvunyi yasabye

Yanditswe na IMVAHO NSHYA

Kuya 2017-11-08 07:52:45

 
Share on:
 
Yasuwe:184
 
Yavuzweho:200
 
10
 
10

Ubuyobozi bw’ishyirahamwe ry’imikino y’abafite ubumuga mu Rwanda “NPC-Rwanda” bugiye kwicara busuzume niba bukwiye guha imbabazi Muvunyi Hermas uheruka kuzisaba nyuma y’amakosa yakoze.

JPEG - 295.3 kb
Muvunyi Hermas ubwo yegukanaga umudali wa zahabu mu mikino y’Afurika muri Congo Brazzaville

Ikibazo cya Muvunyi cyaje nyuma yo kutitwara neza mu mikino Paralempike 2016 yabereye i Rio muri Brazil. Muri Nzeri 2016, Muvunyi yahise atangaza ko asezeye burundu mu ikipe y’igihugu ashinja Minisiteri na NPC kutamufasha bigaragara mu myiteguro ye.

Mu mpera z’umwaka ushize, Muvunyi yashatse kugaruka ariko abwirwa ko agomba kuzasaba imbabazi. Ku wa Gatanu tariki ya 3 Ugushyingo 2017 Muvunyi yanditse itangazo rigenewe abanyamakuru, avuga ko asaba imbabazi ubuyobozi bw’Ishyirahamwe ry’imikino y’abafite ubumuga (NPC-Rwanda), umutoza w’ikipe y’igihugu, Minisiteri y’Umuco na siporo n’ikipe ya APR Athletisme Club ndetse n’abakunzi b’uyu mukino muri rusange.

Muvunyi yagize ati “Nahagaritse gukina ku mpamvu z’amarangamutima nkora amakosa yo guharabika no gushyira isura mbi kuri NPC-Rwanda no ku bayobozi b’ikipe y’igihugu. Nimpabwa imbabazi nzongera gukinira ikipe y’igihugu’’.

Perezida wa NPC-Rwanda, Murema Jean Baptiste avuga ko bazaterana bitarenze ku wa Gatanu w’iki cyumweru bige neza ibaruwa ya Muvunyi.

Murema yagize ati “Twarimo dushaka kwicara nka komite ya NPC-Rwanda, dufate icyemezo ku byo yanditse. Kwandika ntibivuze ngo duhise tumubabarira. Tugomba kwicara tukareba ibyo yanditse, ibyo yatangaje mu banyamakuru, tukabifataho ikemezo’’.

Muvunyi Hermas ni umwe mu bakomeye babayeho bakina imikino y’abafite ubumuga. Mu myaka itandatu yakiniye ikipe y’igihugu, yegukanye imidali myinshi irimo uwa zahabu yakuye i Lyon mu Bufaransa muri shampiyona y’isi mu kwiruka metero 800 muri 2013, indi ibiri ya zahabu yakuye mu mikino Para-Africa Games ya 2011 i Maputo mu kwiruka metero 400, ndetse no muri 2015 i Brazzaville muri metero 400 n’umwe wa feza yakuye i Maputo mu kwiruka metero 800 muri 2011.

BIZIMANA ERIC

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE