2017-11-17 14:59:33 clouds 27o High | Kigali Rwanda

Dukurikire:
 
 

Uburenge bwahombeje Leta miliyari 5 – Dr Mukeshimana

Yanditswe na IMVAHO NSHYA

Kuya 2017-11-08 07:14:49

 
Share on:
 
Yasuwe:78
 
Yavuzweho:200
 
10
 
10

Minisitiri w’Ubuhinzi n’Ubworozi, Dr Mukeshimana Geraldine, yavuze ko ikibazo cy’uburenge giherutse kuboneka mu Ntara y’Iburasirazuba cyateje Leta igihombo cya miliyari 5 z’amafaranga y’u Rwanda mu gihe cy’amezi agera kuri ane.

JPEG - 78.9 kb
Dr. Mukeshimana Geraldine, Minisitiri w’Ubuhinzi n’Ubworozi (Foto James R.)

Ibyo Minisitiri w’Ubuhinzi n’Ubworozi, yabivugiye i Kigali, mu kiganiro yagejeje kuri bamwe mu bayobozi bakuru ba Polisi y’Igihugu, bari mu nama nkuru ya Polisi, aho yasobanuye aho u Rwanda ruhagaze mu gukemura ikibazo cyo kwihaza mu biribwa, gahunda zo kurwanya ikibazo k’imirire mibi no kugwingira mu bana.

Kiriya gihombo cy’amafaranga miliyari eshanu cyabaye mu gihe Intara y’Uburasirazuba yari mu kato nta bucuruzi bukorwa ku bikomoka ku matungo, asaba Polisi y’Igihugu gufasha mu kurwanya indwara z’amatungo, bashyira imbaraga mu kurwanya urujya n’uruza rw’amatungo yinjira mu gihugu aturutse mu bindi bihugu by’abaturanyi, cyane ko bigira uruhare mu kudindiza ubukungu bw’igihugu.

Ku byerekeranye n’icyo kibazo, aboneraho gusaba urwego rwa Polisi y’Igihugu kugira uruhare guca burundu ibibazo byo kunyereza amafumbire n’inyongeramusaruro ahanini byagaragaye mu karere ka Burera aho muri iki gihe cy’umuhindo habonetse ibibazo by’abajya kuzigurisha mu bihugu by’abaturanyi.

Ati “Ikibazo cy’amafumbire n’inyongeramusaruro byabonetsemo ubujura mu karere ka Burera aho hari abafashwe bayijyanye mu gihugu cya Uganda, kandi bakayigurisha make.’’

Ku birebana n’ibibazo by’imirire mibi mu bana, yagaragaye muri tumwe mu turere tw’Uburengerazuba, abaturage barasabwa kugira umuco wo gusobanukirwa no guteza imbere gahunda yo korora amatungo magufi.

Ku kibazo cyo guteza imbere gahunda yo kuhira imusozi, Minisitiri Mukeshimana yasabye Polisi guhwitura abayobozi b’Uturere gukora ibishoboka mu gukoresha ibikoresho byo kuhira Leta yatanzeho amafaranga ntibikoreshwe.

Ati “Usanga hari imwe mu mirima yegereye ibiyaga idatanga umusaruro, kandi hari ibikoresho byo kuhira byaheze mu bubiko bw’Uturere’’.

TWAGIRA WILSON

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE