2017-11-23 07:40:03 clouds 27o High | Kigali Rwanda

Dukurikire:
 
 

CHAN 2018: Amavubi yatsindiye Ethiopia iyayo

Yanditswe na IMVAHO NSHYA

Kuya 2017-11-06 08:26:19

 
Share on:
 
Yasuwe:131
 
Yavuzweho:200
 
10
 
10

Ethiopia 2-3 Rwanda
Tariki 12-11-2017
Rwanda-Ethiopia
Ikipe y’u Rwanda "Amavubi" yitwaye neza itsindira Ethiopia iwayo ibitego 3-2 mu mukino ubanza wo gushaka itike ya CHAN 2018 izabera muri Maroc tariki 12 Mutarama kugeza 04 Gashyatare 2018.

JPEG - 122.8 kb
Biramahire Abeddy watsinze igitego cya gatatu cyahesheje Amavubi intsinzi

Uyu mukino wabaye tariki 05 Ugushyingo 2017, ikipe y’u Rwanda yatangiye isatira izamu rya Ethiopia ariko abakinnyi b’u Rwanda ntibabasha kubona igitego.
Ku munota wa 17 nyuma y’uburangare bwa ba myugariro b’Amavubi, Aschalew Girma yaboneye Ethiopia igitego cya mbere ari na ko igice cya mbere cyarangiye.

Mu gice cya kabiri, ku munota wa 65, Amavubi yabonye igitego ku mupira w’umuterekano watewe neza na Rutanga Eric. Ethiopia yaje gutsinda igitego cya kabiri ku munota wa 65 gitsinzwe na Abubakar Sani. Nyuma y’iminota 13, ku munota wa 78, Hakizimana Muhadjiri wari winjiye mu kibuga asimbuye Manishimwe Djabel yatsinze igitego cya 2 nyuma ku munota wa 80, Biramahire Abeddy atsinda igitego cya 3.

Iyi nsinzi ikaba yahaye u Rwanda ikizere cyo kubona itike ya CHAN 2018 kuko bisaba Ethiopia gutsinda Amavubi mu mukino wo kwishyura nibura ibitego 2-0. Umukino wo kwishyura uzabera mu Rwanda tariki 12 Ugushyingo 2017.

Aya makipe yombi yahawe amahirwe yo gukina uyu mukino nyuma y’aho Kenya yamburiwe kwakira CHAN 2015 bigahabwa Maroc yari ifite itike, Misiri yari yasezerewe na Maroc igatangaza ko itazabasha kwitabira.

BUGINGO FIDELE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE