2017-11-24 09:36:46 clouds 27o High | Kigali Rwanda

Dukurikire:
 
 

Abanyaburayi ntibatekereza inyungu z’abaturage-Kagame

Yanditswe na IMVAHO NSHYA

Kuya 2017-10-28 12:28:55

 
Share on:
 
Yasuwe:93
 
Yavuzweho:200
 
10
 
10

Perezida Paul Kagame yavuze ko Abanyaburayi baba bashaka gukoresha abayobozi b’Afurika, ntibatekereza inyungu z’abaturage.

JPEG - 310.5 kb
Perezida Paul Kagame (hagati) iburyo ni Jeannette Kagame akurikiwe na Bishop Rucyahana John bari kumwe n’abandi banyamuryango ba Unity Club

Ibi Umukuru w’Igihugu yabivuze mu isangira ryo kwizihiza isabukuru y’imyaka 21 y’Umuryango “Unity Club”, umuryango uhuza abayobozi muri Guverinoma n’abo bashakanye, hari ku mugoroba w’ejo hashize tariki ya 27 Ukwakira 2017.

Mu ijambo rye, Perezida Paul Kagame yagarutse ku myitwarire ya bimwe mu bihugu byo hanze y’Afurika, aho yagize ati “Nta bwo Abanyaburayi baba batekereza inyungu z’abaturage, baba bishakira uko bakungukira mu gukoresha abayobozi ba Afurika”.
Akaba avuga ko iyo Umunyaburayi avuze ngo ’uyu Munyafurika ameze gutya na gutya’, Umunyafurika akabyanga, yitwa ko atemera abamurwanya. Ati “Iki gihugu kigeze kujya kigaburirwa imfashanyo z’ibiribwa. Washaka guteza imbere ubuhinzi, bakakwita umunyagitugu.”

JPEG - 285 kb
Perezida wa Sena Bernard Makuza (uwa kabiri uvuye ibumoso) ari kumwe n’abandi banyamuryango ba Unity Club

Gusa, n’ubwo ari uko bitwara ku banyafurika, Kagame agira ati “Tuzi uburenganzira bwa muntu kubarusha. Twashyize ubuzima bwacu mu kaga duharanira uburenganzira bw’Abanyarwanda.”

Aha ni ho yavuze ukuntu bacyuye ingabo zabo zari mu Rwanda mu gihe Jenoside yakorwaga, basiga abaturage bicwa aho kubarengera, barangiza bakavuga ko bazi uburenganzira bwa muntu. Ati “Mwacyuye ingabo zanyu mu gihe abantu bicwaga. Twe twarimo turwana. Ese uburenganzira bwa muntu muba muvuga ni ubuhe?”
Akaba yaravuze ko Jenoside yakorewe Abatutsi yabaye kuko Abanyarwanda bemeye ko iba ariko ntibisobanuye ko nta bandi bayigizemo uruhare, ahubwo ngo ni 50/50.

Ati “Iby’abandi bagize uruhare mu mateka yacu simbitindaho ahubwo ndeba icyo twakora kugira ngo twirinde ko ibyabaye byasubira.” Kagame akaba yaravuze ko igishyizwe imbere ari ubumwe bw’Abanyarwanda, aho yagize ati “Turashaka gukomeza gusigasira ubumwe bwacu, tukubakira abana bacu ahazaza heza.”

Umukuru w’Igihugu avuga ko abantu bashobora kuvuga u Rwanda mu buryo bubiri, ariko hari u Rwanda rumwe ruharanira ibyagirira Abanyarwanda bose akamaro.
Ati “Dushobora gutekereza mu buryo butandukanye ariko tugomba gukora ku buryo icyo duharanira kiba ikidufitiye akamaro twese.”

Kagame ku muryango “Unity Club” yashimiye abanyamuryango bawo kuko bagikomeje guharanira ibyo uyu muryango wiyemeje kugeraho, avuga ko ufite akamaro kanini cyane ku gihugu, ku mateka y’Abanyarwanda no kubazabakomokaho. Ati “Amateka yacu yatweretse ibibi abantu bashobora gukora, uyu munsi turi kubona ibyiza abantu bashobora gukora”.

Isabukuru ya 21 y’Umuryango “Unity Club” yizihijwe haterana ihuriro ryayo rya 10, ukaba ari umuryango uyobowe na Madamu Jeannette Kagame, washinzwe mu 1996.

SEZIBERA ANSELME

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE