2017-10-16 07:05:01 clouds 27o High | Kigali Rwanda

Dukurikire:
 
 

Basketball: Patriots BBC yabonye intsinzi ya kabiri mu mikino y’Akarere ka 5

Yanditswe na IMVAHO NSHYA

Kuya 2017-10-03 07:59:33

 
Share on:
 
Yasuwe:198
 
Yavuzweho:200
 
10
 
10

Patriots BBC 79-50 Savio BBC
APR BBC 84-74 Don Bosco BBC

Uyu munsi
Patriots BBC-City Oilers BBC
APR BBC - KPA BBC

Ikipe ya Patriots BBC ihagarariye u Rwanda mu mikino y’akarere ka 5 “Zone 5 Clubs Championship 2017” yitwaye neza ibona intsinzi ya kabiri aho yatsinze Savio BBC yo muri Tanzania ku manota 79 kuri 50.

JPEG - 252.7 kb
Nkurunziza Walters ukinira Patriots BBC (ufite umupira) watsinze amanota menshi muri uyu mukino batsinzemo Savio BBC

Mu mukino wa kabiri w’itsinda rya mbere “A” wabaye ejo hashize tariki 2 Ukwakira 2017, Patriots BBC na Savio BBC zasoje agace ka mbere k’umukino banganya amanota 19-19. Patriots yaje gutsinda agace ka kabiri 39 kuri 22, aka 3 kuri 59kuri 34, agace ka nyuma (4) kuri 79 kuri 50 ari na ko umukino warangiye.

Muri uyu mukino, Nkurunziza Walters ukinira Patriots BBC ni we watsinze amanota menshi na 14 akurikirwa na Shyaka Olivier watsinze 13 anganya na Muramba Brian Tune wa Savio BBC naho Kami Kabange atsinda 12.

Patriots BBC yari yitwaye neza mu mukino ubanza itsinda Hawasa ku manota 110-43, uyu munsi irisobanura na City Oilers BBC yo muri Uganda mu mukino uza kuba utoroshye dore ko ari na yo ifite iki gikombe mu mwaka ushize wa 2016.

Ku rundi ruhande APR BBC mu bagore na yo yabonye intsinzi yayo ya mbere mu mukino wa kabiri itsinze Don Bosco BBC yo muri Tanzania ku manota 84 kuri 74.
APR BBC yari yatsinzwe mu mukino wa mbere na KCCA ku manota 57 kuri 45, uyu munsi irakina na KPA BBC yo muri Kenya mu mukino wa 3.

NKOMEJE GUILLAUME

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE