2017-10-19 07:53:31 clouds 27o High | Kigali Rwanda

Dukurikire:
 
 

Volleyball: Kirehe VC na RRA VC zegukanye “Carre d’AS 2017”

Yanditswe na IMVAHO NSHYA

Kuya 2017-10-03 07:49:51

 
Share on:
 
Yasuwe:18
 
Yavuzweho:200
 
10
 
10

Ikipe ya Kirehe VC mu bagabo na RRA VC mu cyiciro cy’abagore ni zo zegukanye “Carre d’AS 2017”, irushanwa ryahuje amakipe ane ya mbere muri shampiyona y’umukino wa Volleyball y’uyu mwaka wa 2017.

JPEG - 242.5 kb
Ikipe ya RRA VC yashyikirijwe igikombe cya shampiyona 2017

Iri rushanwa risoza umwaka w’imikino muri Volleyball ryari ryatangiranye n’imikino y’amajonjora ku wa Gatandatu tariki 30 Nzeri 2017 ryasojwe ku Cyumweru tariki 01 Ukwakira 2017.

Kirehe VC yegukanye iki gikombe itsinze APR VC ku mukino wa nyuma ku maseti 3-1 (21-25, 25-16,25-23 na 25-23). Iyi mikino yitabiriwe n’amakipe atatu mu bagabo nyuma y’uko IPRC-South VC yikuye mu irushanwa ku munota wa nyuma, mu mikino y’amajonjora yari yabaye APR VC yari yatunguye Gisagara VC iyitsinda amaseti 3-0, Kirehe VC itsinda APR VC amaseti 3-0 mbere y’uko Gisagara VC itsinda Kirehe VC amaseti 3-2.

Mu cyiciro cy’abagore, RRA VC yegukanye igikombe ku nshuro ya 5 yikurikiranya itsinze APR VC amaseti 3-2 (18-25,25-19,25-21,20-25 na 15-12). Ibi byaviriyemo umutoza wa APR VC, Sibomana Viateur kwirukanwa.
Mbere y’uko aya makipe agera ku mukino wa nyuma, APR yatsinze St Aloys na Ruhango ku maseti 3-0 naho RRA VC na yo itsinda Ruhango na St Aloys amaseti 3-0.

Mu bihembo byatanzwe, ikipe ya mbere mu bagabo n’abagore yahawe igikombe giherekejwe n’amafaranga y’u Rwanda ibihumbi 350, iya kabiri ibona ibihumbi 250, iya gatatu ihabwa ibihumbi 200 naho iya kane ibona ibihumbi 100.
Ikipe ya Gisagara VC mu bagabo na RRA mu bagore zashyikirijwe igikombe cya shampiyona cya 2017 n’ibihumbi 500.

NKOMEJE GUILLAUME

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE