2017-12-10 12:22:00 clouds 27o High | Kigali Rwanda

Dukurikire:
 
 

Muhitira yongeye kwegukana irindi siganwa mu Bufaransa

Yanditswe na IMVAHO NSHYA

Kuya 2017-10-03 07:42:41

 
Share on:
 
Yasuwe:28
 
Yavuzweho:200
 
10
 
10

Umukinnyi mpuzamahanga w’Umunyarwanda ukina imikino ngororamubiri yo gusiganwa ku maguru, Muhitira Felicien “Magare” yegukanye isiganwa rya “Sedan-Charleville 2017” ryaberaga i Charleville-Mézières mu Majyaruguru y’u Bufaransa.

JPEG - 249.3 kb
Muhitira Felicien wegukanye isiganwa rya Sedan-Charleville

Iri siganwa ryari ryitabiriwe n’abantu basaga ibihumbi 3 ryabaye ku cyumweru tariki 01 Ukwakira 2017, Muhitira yaje kuryegukana nyuma y’uko yitwaye neza akaza ku mwanya wa mbere aho mu gusiganwa ahareshya n’ibilometero 24 yakoresheje isaha imwe, iminota 10 n’amasegonda 4 (1h10’04’’).

Uyu munyarwanda yegukanye iri siganwa ahigitse abakinnyi bakomoka muri Kenya basanzwe bamenyerewe muri aya masiganwa. Yakurikiwe n’Abanyakenya 5 ari bo Kirwa Kome waje ku mwanya wa 2 wakoresheje isaha imwe, iminota 10 n’amasegonda 44 (1h10’44’’), Elvis Tabarach (1h11’10’’), Alfred Cherop (1h11’22’’) na Lazarus Too (1h11’27’’).

Luis Vincent ukomoka mu Bufaransa ni we wabashije kuza mu bakinnyi 10 ba mbere adakomoka mu karere k’Uburasirazira aho yaje mu mwanya wa 9 (1h14’22).

Muhitira yatangarije Imvaho Nshya ko kwegukana iri siganwa abikesha kuba yarakoze imyitozo neza ndetse abasha no kwiga amayeri y’uko yasiga Abanyakenya mu bilometero bisoza. Ati “Mu cyumweru gishize Abanyakenya babaye aba mbere, mba uwa 5, bari basinze mu bilometero bya nyuma, naragiye Disi Dieudonne anyigisha uburyo ngomba kwiruka mu bilometro 5 bya nyuma ni cyo cyatumye mbasha kubigeraho”.

Avuga kandi ko ikindi cyabimufashijemo ari uko kuri ubu amaze kuruhuka neza hamwe no kumenyera ikirere cyo mu Bufaransa.

Muhitira Felicien wegukanye isiganwa rya “2017 Sedan-Charleville”, ribaye isiganwa rya kabiri atwaye muri uyu mwaka wa 2017 nyuma y’uko yegukanye isiganwa rya “Semi Marathon Marvejols-Mende 2017” ryabaye tariki 23 Nyakanga 2017. Muhitira akaba afite andi masiganwa abiri agomba kwitabira aha mu Bufaransa arimo “20 km de Paris” rizaba tariki 8 Ukwakira 2017 na “Marseille-Cassis” (20 km) rizaba tariki 23 Ukwakira 2017.

NKOMEJE GUILLAUME

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE