2017-12-12 14:14:08 clouds 27o High | Kigali Rwanda

Dukurikire:
 
 

Basketball: Tunizia yegukanye igikombe cy’Afurika

Yanditswe na IMVAHO NSHYA

Kuya 2017-09-18 06:23:17

 
Share on:
 
Yasuwe:144
 
Yavuzweho:200
 
10
 
10

Ikipe y’igihugu ya Tunizia yari mu itsinda rimwe n’u Rwanda ni yo yegukanye igikombe cy’Afurika “FIBA AfroBasket 2017” itsinze ku mukino wa nyuma ikipe y’igihugu ya Nigeria yari igifite iki gikombe yegukanye muri 2015. Tunizia ikaba yaherukaga iki gikombe muri 2011.

JPEG - 354.4 kb
Ikipe ya Tunizia ubwo bari bamaze gushyikirizwa igikombe cy’Afurika baherukaga muri 2011

Iyi mikino y’Afurika yatangiye tariki 08 Nzeri 2016 aho amakipe 16 yari agabanyije mu matsinda 4 aho imikino y’amajonjora yabereye muri Senegal no muri Tunizia ari naho habereye imikino ya nyuma.

Muri Senegal hakiniye itsinda B ryarimo Angola, République Centrafricaine (CAF), Maroc na Uganda n’itsinda D ryarimo Senegal, Mozambique, Afurika y’Epfo na Misiri. Muri Tunizia hari itsinda A ryarimo Nigeria, RDC, Mali na Cote d’Ivoire n’itsinda C ririmo Tunizia, Guinea, u Rwanda na Cameroun.

Nyuma y’imikino yo mu matsinda, mu itsinda A hakomeje Nigeria na RDC, mu itsinda B hakomeza Maroc na Angola, mu itsinda C hazamuka Tunizia na Cameroun naho mu itsinda D hazamuka Senegal na Misiri.

Muri ¼ cy’irangiza, Maroc yatsinze Misiri amanota 66 kuri 62, Nigeria itsinda Cameroun 106 kuri 91,Tunizia itsinda RDC 81 kuri 60 naho Senegal itsinda Angola 66 kuri 57. Muri ½ , Tunizia yatsinze Maroc ku manota 60 kuri 52 naho Nigeria itsinda Senegal 76 kuri 71.

Tariki 16 Nzeri 2017 ubwo iyi mikino yasozwaga, Senegal yegukanye umwanya wa 3 itsinze Maroc amanota 73 kuri 62 naho Tunizia ku mukino wa nyuma itsinda Nigeria ku manota 77 kuri 65.

Mu bihembo byatanzwe, Ike Diogu ukinira Nigeria ni we wabaye umukinnyi witwaye neza “MVP” anaza mu bakinnyi 5 bitwaye neza aho ari kumwe na Ikenna Iroegbu (Nigéria), Mohamed Hadidane (Tunisie), Mourad El Mabrouk (Tunisie) na Gorgui Dieng (Sénégal).

Uko amakipe yakurikiranye, Tunizia, Nigeria, Senegal, Maroc, Cameroon (5), RDC (6), Angola (7), Egypt (8), Mali (9), Rwanda (10), Central African Republic (11), Mozambique (12), Uganda (13), Ivory Coast (14), South Africa (15) na Guinea (16).

BUGINGO FIDELE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE