2017-09-25 08:13:20 clouds 27o High | Kigali Rwanda

Dukurikire:
 
 

Icyatumye Seyi Shay atumirwa i Kigali

Yanditswe na IMVAHO NSHYA

Kuya 2017-09-15 11:39:40

 
Share on:
 
Yasuwe:124
 
Yavuzweho:200
 
10
 
10

Lubega Remmygious utegura ibirori bya Kigali Jazz Junction yatangarije Imvaho Nshya ko impamvu yatumiye Deborah Oluwaseyi Joshua uzwi nka Seyi Shay, umuhanzikazi wo muri Nigeria ari uko ashoboye umuziki ngo kandi ni mu rwego rwo kwagura imikorere y’icyo gikorwa.

JPEG - 263.6 kb
Seyi Shay ukomoka muri Nigeria

Ugutangirana na Seyi Shay, Lubega yavuze ko ari we muhanzikazi bifuje gutangiriraho mu bo mu bihugu bitari ibyo mu muryango w’Ibihugu by’Afurika y’Uburasirazuba ngo ariko nyuma hazagenda hatumirwa n’abandi.

Yagize ati “Twabonye ko dukwiye kwagura imikorere yacu twemeza ko dukwiye gutangirira kuri Seyi Shay kandi azaririmbira abantu mu buryo bw’inyumva nkumve indirimbo ze zanditse kandi zihimbye mu buryo bunononsoye”.

Ku bwe kandi avuga ko umuhanzikazi Seyi Shay amwibutsa nyakwigendera Brenda Fassie kubera ubuhanga bwe.

Kubera ukuntu aririmba ngo bamwe bamufata nk’umuhanzikazi w’Umunyamerika ngo kandi yizeye ko hari abakunda umuziki we mu Rwanda.

Mu minsi yatambutse hari hacaracanye amakuru avuga ko bashakaga gutumira Fally Ipupa ukomoka muri Repebulika iharanira Demokarasi ya Kongo ngo ariko hari ibiri ngombwa bakirimo kwegeranya kugira ngo na we azatumirwe.

Seyi Shay azwi ku ndirimbo zitandukanye zirimo iyitwa “Right now”, “Yolo yolo” n’izindi.

Igitaramo azaririmbamo kizaba ku ya 29 Nzeri 2017 muri Kigali Serena Hotel kizaba kirimo kandi abandi bahanzi nka Charly na Nina n’abandi

NDAMYIROKOYE FRANÇOIS

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE