2017-11-21 14:43:49 clouds 27o High | Kigali Rwanda

Dukurikire:
 
 

Rally 2017: Manvir yegukanye irushanwa ryo mu Rwanda akomeza kuyobora muri Afurika

Yanditswe na IMVAHO NSHYA

Kuya 2017-09-11 06:07:02

 
Share on:
 
Yasuwe:114
 
Yavuzweho:200
 
10
 
10

Nyuma yo kwegukana isiganwa ry’imodoka ryaberaga mu Rwanda “Rwanda Mountain Gorilla Rally 2017”, Manvir Baryan wo muri Kenya akomeje kuyobora urutonde rw’abakinnyi ba mbere muri Afurika akaba anafite amahirwe yo kwegukana shampiyona y’Afurika muri uyu mwaka wa 2017 “African Rally Championship 2017”.

JPEG - 349.7 kb
Manvir Baryan nyuma yo kwegukana Rwanda Mountain Gorilla Rally 2017, aha yari kumwe na Perezida wa RAC, Gakwaya Christian

Iri siganwa ryo mu Rwanda ryabaye kuva tariki 08 kugeza 09 Nzeri 2017 ryitabirwa n’imodoka 16 hasoza 8. Umusi wa mbere abasiganwa bakiniye Rugende no kuri Sitade Amahoro nyuma umunsi wa nyuma tariki 09 Nzeri 2017 bakinira mu karere ka Bugesera aho basoje muri rusange bakoze intera y’ibilometero 391,93.

Manvir Baryan wakoresheje imodoka igezweho yakorewe amasiganwa “Skoda” yitwaye neza yegukana uduce twose birangira yegukanye isiganwa ryose aho yakoresheje isaha 1, iminota 46 n’amasegonda 6. Ku mwanya wa kabiri haje Giancarlo Davite wakiniye u Rwanda igihe kirekire, ubu akaba yarakinnye nk’Umutaliyani yakoresheje isaha 1, iminota 51 n’amasegonda 40. Uyu mugabo akaba yari yegukanye iri rushanwa muri 2013.

Ku mwanya wa 3 haje Bukera Varely wegukanye iri siganwa umwaka ushize wa 2016 akaba yarakoresheje isaha 1, iminota 52 n’amasegonda 09 naho ku mwanya wa 4 haza Gomes Leroy wakoresheje isaha 1, iminota 55 n’amasegonda 02.
Mu modoka 8 zasoje isiganwa harimo 1 yo mu Rwanda yari itwawe na Nizette Christophe afatanyije na Semana Fabrice aho bakoresheje amasaha 2, iminota 42 n’amasegonda 42.

Manvir Baryan kugeza ubu afite amanota 90 akaba akurikiwe na Leroy Gomez wo muri Zambia ufite amanota 65. Uyu mugabo akaba afite amahirwe menshi yo kwegukana shampiyona y’Afurika “African Rally Championship 2017” dore ko hasigaye isiganwa rimwe ku ngengabihe y’amarushanwa y’Afurika. Iri siganwa rizabera muri Zambia tariki 21-22 Ukwakira 2017. Manvir Baryan akaba asabwa kwitabira agasoza.

BUGINGO FIDELE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE