2017-11-18 15:01:27 clouds 27o High | Kigali Rwanda

Dukurikire:
 
 

Manvir Baryan afite amahirwe yo kwegukana Rwanda Mountain Gorilla Rally 2017

Yanditswe na IMVAHO NSHYA

Kuya 2017-09-09 14:54:32

 
Share on:
 
Yasuwe:138
 
Yavuzweho:200
 
10
 
10

Nyuma y’umunsi wa mbere w’isiganwa ry’imodoka “Rwanda Mountain Gorilla Rally 2017”, Manvir Baryan ukoma muri Kenya ni we uyoboye urutonde akaba anahabwa amahirwe yo kwegukana iri siganwa mu gihe yabasha kwitwara neza uyu munsi.

JPEG - 244.8 kb
Manvir Baryan uhabwa amahirwe yo kwegukana Rwanda Mountain Gorilla Rally 2017

Ubwo iri siganwa ryatangiraga ejo taliki 08 Nzeri 2017, abasiganwa baciye mu mihanda ibiri ari yo Rugende-Mbandazi (20,95 km) na Ruhanga-Mbandazi (14,21 km) bayinyuramo inshuro 2 nyuma bajya kuri Sitade amahoro naho bakora intera y’ibilometero 2,30 bakayinyuramo inshuro 2 aho basoje bakoze ibilometero 74,52.

Manvir Baryan ukomoka muri Kenya akaba afite imodoka yo mu bwoko bwa Skoda Fabia ni we uri ku mwanya wa mbere aho amaze gukoresha iminota 48 n’amasegonda 19, Giancarlo Davite na Sylvia Vindevogel bari ku mwanya wa kabiri aho bamaze gukoresha iminota 49 n’amasegonda 50naho ku mwanya wa 3 hakaza Bukera Valery wegukanye iri siganwa umwaka ushize wa 2016, akaba amaze gukoresha iminota 50 n’amasegonda 46, ku mwanya wa kane hari Gomes Leroy umaze gukoresha, iminota 52 n’amasegonda 19.

Uyu munsi taliki 09 Nzeri 2017 isiganwa rirakomereza i Nyamata aho aho abasiganwa banyura mu mihanda 5 ari yo Nyamata-Rilima (13,36 km), Nyamizi-Gashora (19,69 km), Gaharwa -Nemba (11,56 km), Gako-Gasenyi (14,41 km) na Gasenyi-Nemba (22,22 km). Iyi mihanda barayicamo inshuro 2. Aha basoza bakoze intera y’ibilometero 129,43 byose hamwe bikaba ibilometero 203,95 wateranya byose bikaba ibilometero 391,93.

Imodoka 15 ni zo zatangiye isiganwa, imodoka 10 ni zo zaraye zisoje. Muri izo 5 zagize ibibazo hari iya Kleevan Gomez wakoze impanuka naho izindi zigira ibibazo bya tekinike zirimo iya Rudy Cantanhede wegukanye iri rushanwa inshuro 4 , Piero Cannobio, Gawaya Timothy na Watendwa Samuel, aba bavuyemo bakaba basabye gukomeza isiganwa uyu munsi ariko ntabashyirwe ku rutonde.

BUGINGO FIDELE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE