2017-10-19 07:53:31 clouds 27o High | Kigali Rwanda

Dukurikire:
 
 

Cricket: Challengers CC yitwaye neza muri “Computer Point T20 2017”

Yanditswe na IMVAHO NSHYA

Kuya 2017-09-05 07:16:09

 
Share on:
 
Yasuwe:90
 
Yavuzweho:200
 
10
 
10

Mu mpera z’icyumweru gishize imikino y’irushanwa rya “Computer Point T20 2017” muri Cricket yari yakomeje, ikipe ya Challengers Cricket Club “CCC” yitwaye neza biyiha gukomeza kuyobora itsinda rya kabiri iherereyemo.

JPEG - 326.8 kb
Ikipe ya Challengers Cricket Club yitwaye neza itsinda Indorwa Cricket Club

Mu mukino wabaye ku Cyumweru tariki 3 Nzeri 2017, Challengers Cricket Club yabashije gutsinda Indorwa Cricket Club “ICC”ku kinyuranyo cy’ibitego 5 kuko uyu mukino warangiye iri imbere n’ibitego 152 kuri 147.

Iyi kipe ya Challengers CC yabigezeho ibifashijwemo n’abakinnyi bayo barimo Bimenyimana Zappy watsinze ibitego 50 na Sailam Gopalan watsinzemo ibitego 36.

Undi mukino wo mu itsinda rya mbere, Kigali Cricket Club yatsinze Telugu Royals Cricket Club ibitego 138 kuri 137.

Kugeza ubu, Challengers CC iracyayoboye itsinda rya kabiri B n’amanota 16 mu mikino 4, ikurikirwa na Right Guards Cricket Club n’amanota 4 n’imikino 2 imaze gukina, Kerara Hunters CC ni iya 3 n’amanota 4 mu mikino 3, Vikings Cricket Club na yo ifite 4 mu mikino 2 naho Indatwa CC ni iya nyuma aho mu mikino ibiri nta nota ifite.

Kigali Cricket Club iyoboye itsinda rya mbere n’amanota 16 mu mikino ine, hakaza Telugu Royals Cricket Club na Tamil Cricket Club zombi zinganya amanota 4 mu mikino 3, Impala Cricket Club ni iya 4 n’amanota 4 mu mikino 2 naho RCA Development Team iri ku mwanya wa nyuma nta nota ifite.

Mu bakobwa basoje imikino y’amatsinda

Mu bakobwa, mu mikino yabaye ku wa Gatandatu tariki 2 Nzeri 2017, Charity Cricket Club “CCC” yitwaye neza itsinda White Clouds Cricket Club “WCCC” ibitego 92 kuri 81 naho Guards Cricket Club yatsinze Oasis CC ibitego 136 kuri 46.
Iri rushanwa rya “Computer Point T20 2017”, ririmo gukinwa ku nshuro ya 5 ni rimwe mu marushanwa 3 ngarukamwaka ritegurwa n’ishyirahamwe ry’umukino wa Cricket mu Rwanda “RCA”.

NKOMEJE GUILLAUME

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE