2017-09-21 09:07:12 clouds 27o High | Kigali Rwanda

Dukurikire:
 
 

U Rwanda rurasabwa Sitade 6 kugira ngo rwakire igikombe cy’isi

Yanditswe na IMVAHO NSHYA

Kuya 2017-08-26 12:19:33

 
Share on:
 
Yasuwe:1054
 
Yavuzweho:200
 
10
 
10

U Rwanda rurasabwa gutunganya Sitade esheshatu kugira ngo ruzakire igikombe cy’isi cy’abatarengeje imyaka 17 mu 2019.
Ni nyuma yo kohereza inyandiko binyuze kuri e-mail, ziriho umukono w’umunyamabanga mukuru w’ishyirahamwe ry’umupira w’amaguru n’iry’umuyobozi w’iri shyirahamwe basinyira ko bifuza kwakira iki gikombe.

JPEG - 96.1 kb
Kugira ngo u Rwanda rwakire igikombe cy’isi cy’abatarengeje imyaka 19 rukeneye Sitade 2 ziyongera kuri Sitade Amahoro, Huye, Nyamirambo na Rubavu

Nyuma yo gusinya kuri izi nyandiko mu Gushyingo 2017, u Rwanda ruzongera gutanga impapuro zisaba bwa nyuma kwakira iyi mikino, izi mpapuro zikazaba zigaragaza ibikorwa remezo nka za Sitade, inyandiko zasinyweho n’imijyi yifuza kwakira, inyandiko zigaragaza ubushake bwa Leta bwo kwakira, uburyo buzakoreshwa mu kugurisha amatike n’ibijyanye no kwakira amakipe.

Ishyirahamwe ry’umupira w’amaguru ku isi “FIFA” rigaragaza ko iki gikombe cy’isi kizakinwa n’amakipe 24 azaba ari mu matsinda 6, bivuze ko u Rwanda ruzashaka Sitade ebyiri ziyongera kuri enye zisanzwe zirimo Sitade Huye, Amahoro, Kigali na Rubavu kugira ngo zuzure esheshatu zirimo imwe nini nk’uko bisanzwe bigenda ku bihugu byakira iri rushanwa.

Perezida w’ishyirahamwe ry’umupira w’amaguru mu Rwanda, Nzamwita Vincent De Gaule, avuga ko bagiye gutangira gutunganya inyandiko zo gusaba bwa nyuma kugira ngo bazagere mu ntangiriro z’Ugushyingo 2017 na zo bamaze kuzitunganya.
Nyuma yo gusaba bwa nyuma, akanama kazatoranya ibihugu bizakira, kazatangaza igihugu kizakira igikombe cy’isi mu gihembwe cya nyuma cya 2017 bidakunze bikorwe mu ntangiriro z’umwaka utaha wa 2018

U Rwanda rukaba rusabye kwakira igikombe cy’isi nyuma yo kwakira neza CAN U-17 (2011), CAN U-20 (2009) na CHAN 2016, uretse igikombe cy’isi cy’abatarangeje imyaka 17, u Rwanda rwanifuje kwakira igikombe cy’Afurika “CAN 2025”.

Ubusanzwe igikombe cy’isi cy’abatarengeje imyaka 17 kiba buri myaka ibiri. Icy’uyu mwaka kizabera mu Buhinde mu Kwakira 2017 kitabirwe n’amakipe 24 azaba agabanyje mu matsinda 6. U Rwanda rwitabiriye rimwe iki gikombe muri 2011 muri Mexique.

BIZIMANA ERIC

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE