2017-09-24 09:25:05 clouds 27o High | Kigali Rwanda

Dukurikire:
 
 

Perezida wa Misiri yasuye u Rwanda yakirwa na Perezida Kagame

Yanditswe na IMVAHO NSHYA

Kuya 2017-08-15 10:10:45

 
Share on:
 
Yasuwe:937
 
Yavuzweho:200
 
10
 
10

Perezida wa Misiri, Abdel Fattah al-Sisi yageze mu Rwanda kuri uyu wa 15 Kanama 2017 mu ruzinduko rw’iminsi ibiri rwo gutsura umubano hagati y’ibihugu byombi.

Sisi yageze ku kibuga cy’indege mpuzamahanga cya Kigali kiri i Kanombe mu karere ka Kicukiro i saa sita z’amanywa, aherekejwe n’abandi bayobozi bakuru muri Leta ya Misiri yakirwa na Perezida wa Repubulika y’u Rwanda, Paul Kagame.

Yari avuye muri Tanzania, aho yageze ejo hashize ku wa Mbere akagirana ibiganiro na Perezida John Pombe Magufuli.

Ambasaderi wa Misiri mu Rwanda, Dr Namira Negm, avuga ko mu Rwanda, Perezida Sisi azasura urwibutso rwa Jenoside yakorewe Abatutsi mu 1994 rwa Gisozi ndetse akanaganira n’abayobozi bakuru b’igihugu.

U Rwanda ruri mu ihuriro ry’ibihugu 10 bikora ku mugezi wa Nil birimo na Misiri.
Igihugu cya Misiri kigira imurikagurisha kabiri mu mwaka ribera mu Rwanda.

Abdel Fattah el-Sisi yavutse ku wa 19 Ugushyingo 1954, avukira Cairo mu murwa mukuru wa Misiri. Yabaye Perezida wa Misiri ku wa 8 Kamena 2014.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE