2017-09-24 09:25:05 clouds 27o High | Kigali Rwanda

Dukurikire:
 
 

Perezida wa Misiri Abdel Fattah ategerejwe Rwanda

Yanditswe na IMVAHO NSHYA

Kuya 2017-08-15 09:12:21

 
Share on:
 
Yasuwe:96
 
Yavuzweho:200
 
10
 
10

Perezida wa Misiri Abdel Fattah el-Sisi aragirira uruzinduko rw’iminsi ibiri mu Rwanda, mu rwego rwo gutsura umubano hagati y’ibihugu byombi.

Mu kiganiro cyihariye n’Imvaho Nshya, Ambasaderi wa Misiri mu Rwanda, Dr Namira Negm, yavuze ko Perezida Sisi araba aherekejwe n’abandi bayobozi bakomeye mu gihugu cye.

Amb. Namira Negm yasobanuye ko mu bakomeye baza kuba baherekeje Perezida Abdel Fattah el-Sisi barimo na Minisitiri w’Ibikorwa remezo wa Misiri uzagirana ibiganiro na mugenzi we w’u Rwanda, James Musoni.

JPEG - 63.4 kb
Perezida wa Misiri ategerejwe mu Rwanda

Amb. Negm kandi yatangaje ko biteganyijwe ko Perezida Abdel Fattah asura urwibutso rwa Jenoside yakorewe Abatutsi mu 1994, ruri ku Gisozi, mu karere ka Gasabo.

Biteganyijwe ko nyuma yo kuza mu Rwanda Perezida wa Misiri azakomereza mu bihugu bya Tanzania, Chad na Gabon.

U Rwanda ruri mu ihuriro ry’ibihugu 10 bikora ku mugezi wa Nil birimo na Misiri.

Igihugu cya Misiri kigira imurikagurisha kabiri mu mwaka ribera mu Rwanda.

Abdel Fattah el-Sisi yavutse ku wa 19 Ugushyingo 1954, avukira Cairo mu murwa mukuru wa Misiri. Yabaye Perezida wa Misiri ku wa 8 Kamena 2014.

MUTUNGIREHE SAMUEL

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE