2017-09-20 12:30:19 clouds 27o High | Kigali Rwanda

Dukurikire:
 
 

Rubavu: Hatashywe inzu ingabo z’igihugu zubakiye abatishoboye

Yanditswe na IMVAHO NSHYA

Kuya 2017-08-14 08:47:10

 
Share on:
 
Yasuwe:75
 
Yavuzweho:200
 
10
 
10

Bamwe mu batishoboye bo mu mudugudu wa Gashenyi mu kagari ka Burinda mu murenge wa Rubavu bashyikirijwe inzu bubakiwe n’ingabo z’igihugu, basabwa kuzifata neza.

Byari ibyishimo bikomeye kuri Beatrice Nyiransabimana na Nyirabwera Bonifrida n’abaturanyi babo, bavuze ko izo nzu zizabarinda kunyagirwa, bakaba bagiye kujya baryama bakaruhuka neza.

Nyiransabimana yagize ati “Nari mu nzu ishaje iyo imvura yagwaga nararaga nicaye cyangwa nkajya mu baturanyi kugama. Ndashimira Ingabo z’igihugu zigikomeje kutubohora ubukene, n’ubwigunge.”

Umunyamabanga nshingwabikorwa w’Umurenge wa Rubavu, Mugisha Honore, avuga ko kubakira abatishoboye ari igikorwa bakomeje muri uyu murenge, aho abaturage bafatanyije n’ingabo z’u Rwanda bagiye kuzuza izindi nzu 17.

Umuyobozi w’Inkeragutabara mu ntara y’Uburengerazuba Brig. Gen. Murokore Eric, yasabye abatuye muri uyu murenge gukomeza ubufatanye haba mu kubakira abaturage ndetse no gukora ibindi bikorwa byubaka igihugu kuko ibimaze kugerwaho mu Rwanda mu myaka 23 ishize u Rwanda rubohowe, babikesha ubumwe no gukorera hamwe Abanyarwanda biyemeje.

Yagize ati “Ikigamijwe ni ukugira ngo dushimangire ubumwe n’urukundo rw’Igihugu n’Abanyarwanda kuko aribyo twaharaniye. Turabasaba kubisigasira no gukomeza kuba umwe twese twita ku batishoboye ngo nabo bazamuke.”

JPEG - 165.5 kb
Umuyobozi w’Inkeragutabara mu ntara y’Iburengerazuba Brig Gen Murokore Eric(iburyo) na Uwampayizina Marie Grace Umuyobozi w’Akarere ka Rubavu wungirije ushinzwe imibereho myiza bataha izo nzu

Umuyobozi w’Akarere ka Rubavu wungirije ushinzwe imibereho myiza y’abaturage Uwampayizina Marie Grace, nawe yagarutse ku mateka mabi yaranze Akagari ka Burinda mu gihe kari kibasiwe n’abacengezi, ashimira uruhare Ingabo z’u Rwanda zagize mu kugarurira umutekano abatuye muri aka gace ndetse anashimira abahatuye imyumvire myiza bafite yo kumva inama bagirwa, banashyira mu bikorwa gahunda za Leta y’u Rwanda zibateza imbere.

Izo nzu zombi zatashywe ku mugaragaro zuzuye mu gihe cy’amezi abiri zigiyeho ibikoresho bifite agaciro ka miliyoni 1 n’ibihumbi 625 n’amafaranga 140 y’u Rwanda.

MAGARAMBE THEODORE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE