2017-09-21 09:07:12 clouds 27o High | Kigali Rwanda

Dukurikire:
 
 

Abanyarwanda ntabwo turi ibitangaza ariko dutandukanye n’abandi –Perezida Kagame

Yanditswe na IMVAHO NSHYA

Kuya 2017-08-12 11:13:14

 
Share on:
 
Yasuwe:604
 
Yavuzweho:200
 
10
 
10

Perezida Kagame asanga Abanyarwanda batandukanye n’abandi batuye Isi kubera uburyo bwihariye bikemuramo ibibazo bibugarije.

Yabivuze ku mugoroba wo ku wa Gatanu ku ya 11 Kanama 2017 mu isangira ryo gusoza umushinga “Umubano” wari ugamije gutsura umubano wihariye hagati y’abo mu ishyaka ry’Abakonserivateri (abadaharanira impinduka) ryo mu Bwongereza n’Abanyarwanda.

JPEG - 151.3 kb
Perezida Kagame ageza ijambo ku bitabiriye umuhango wo gusoza "Umubano Project"

Uwo mushinga washinzwe n’umunyapolitiki, Andrew Mitchell, wafashije u Rwanda mu iterambere binyuze mu banyapolitiki n’abakorerabushake b’Abongereza bafashaga abaturage mu buzima, uburezi, ishoramari n’umukino wa cricket.

Perezida Kagame yashimiye u Bwongereza uko bwateye inkunga u Rwanda rwari rwarashegeshwe na Jenoside yakorewe Abatutsi mu 1994.

Yagize ati “Inkunga twatewe n’Ubwongereza mu guhindura ubuzima bw’abanyarwanda ni nini cyane. Tugirana ubufatanye n’ibihugu byinshi ariko ubwo dufitanye n’Ubwongereza ni ubw’agaciro kanini kuri twe. Dushyigikira ubufatanye n’ubucuti nk’ubwo twabonye mu ’Umubano Project’, kandi twizeye ko bizakomeza no mu bihe bikomeye.”

Yongeyeho ko Abanyarwanda bafite umwihariko mu kwikemurira ibibazo dore ko bagaragaje ubudasa mu kwiteza imbere vuba nyuma ya Jenoside.
Ati “Abanyarwanda ntabwo turi ibitangaza ariko dutandukanye n’abandi. Dukemura ibibazo byacu mu budasa bwacu. Dushyize hamwe mu gushakira abana ndetse n’abuzukuru bacu ahazaza heza tubifuriza.”

Umukuru w’Igihugu yakomeje avuga ko buri wese akwiye kumenya ko imibereho myiza y’Abanyarwanda ari ntakorwaho, kandi ko Abanyarwanda bazakomeza kwihitiramo ibibabereye ntawe babangamiye.

Andrew Mitchell watangije umushinga ‘Umubano’, yavuze ko bimwe mu bikorwa bishimishije bakoze harimo ivuriro rya Kinyinya Community Center no gukusanya amafaranga yo kubaka ikibuga mpuzamahanga cya Criket kiri kubakwa mu Bugesera, n’ishuri ryitiriwe “Umubano”.

JPEG - 135.9 kb
Andrew Mitchell, Perezida Kagame na Ambasaderi w’u Bwongereza mu Rwanda, William Gelling, basangira

Abakorerabushake b’umushinga Umubano kandi bashyikirije Perezida Kagame ubutumwa bwa Minisitiri w’Intebe w’u Bwongereza , Thereza May, bwo kumushimira intsinzi no kumubwira ko u Bwongereza buzakomeza gufatanya n’u Rwanda mu myaka iri imbere.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE