2017-11-18 15:01:27 clouds 27o High | Kigali Rwanda

Dukurikire:
 
 

Gereranya ingufu za gisirikare za Kim Jong Un (N. Korea) n’iza Trump (USA)

Yanditswe na IMVAHO NSHYA

Kuya 2017-08-10 10:56:34

 
Share on:
 
Yasuwe:2298
 
Yavuzweho:200
 
10
 
10

Umwuka mubi hagati ya Koreya ya Ruguru na Leta Zunze Ubumwe za Amerika wageze ku rwego rushobora gutuma habaho intambara.

Nyuma y’uko Perezida Kim Jong Un atangaje ko ashobora gutera igisasu cya kirimbuzi ku butaka bwa USA, Perezida Donald Trump yavuze ko Koreya ya Ruguru izahita yibasirwa n’ingufu, umujinya n’umuriro bitigeze bigaragara ahandi ku Isi.

Vuba aha, Koreya ya Ruguru nabwo yavuze ko izibasira agace ka Guam, ubutaka bwa Amerika buri mu birometero bisaga 3000 uvuye mu kigobe cya Koreya.

Nubwo ibitwaro bya kirimbuzi by’icyo gihugu bitapfa kugera muri Amerika, hari impungenge ko bishobora kugera ku birwa bitandukanye biri mu nyanja ya Pacific, ahari abakozi ba USA babarirwa mu bihumbi.

Reka turebe zimwe mu ntwaro zikomeye ibi bihugu bifite:

1. Intwaro za kirimbuzi

JPEG - 83.4 kb
Hwasong 12 ni igisasu cya kirimbuzi Koreya ya Ruguru ivuga ko cyagera ku wundi mugabane

Koreya ya Ruguru iherutse kuvuga ko yagerageje igisasu cya kirimbuzi, ndetse amakuru amwe akavuga ko ifite n’ibindi bisasu 60. USA yo isanzwe ifite ibisasu bya kirimbuzi bisaga 6800.

Iki gihugu gifite igisasu cya Hwasong-12 cyakorewe guterwa muri Leta za Alaska na Hawaii (USA) gishobora guterwa mu bilometero 7000. Hari kandi Musadan gishobora guterwa mu bilometero 35000 iki cyo cyageragejwe neza muri Kamena 2016 nyuma y’igihe kinini byanga. Koreya ya Ruguru kandi ifite igisasu cya Pukguksong-2 ishobora gutera mu bilometero 2000.

USA yakwirinda ite ibisasu bya kirimbuzi bya Kim Jong Un?

JPEG - 35.4 kb
Intwaro ya THAAD, USA iyikoresha ihanura ibisasu bya kirimbuzi

Mu ntangiriro za 2017, USA yashyize muri Koreya y’Epfo intwaro ‘THAAD’ yo kwirinda ibyo bisasu, ifite ubushobozi bwo kurasira mu kirere ibisasu biturutse muri Koreya ya Ruguru.

Iyo ntwaro igizwe n’imbunda 6 zifite ibisasu bya misile 8 kuri buri imwe, ndetse n’ikoranabuhanga rya Radar rikarishye.

Ingabo

USA ifite igisirikare cya mbere gikomeye ku Isi, ifite abasirikare basaga miliyoni, n’ibifaru 5800 ariko muri ibyo byose, bike nibyo biri mu gace Koreya Ruguru iherereyemo.

Trump afite abasirikare 80 000 mu birindiro biri mu Buyapani, Koreya y’Epfo na Guam.

Kim Jong Un nawe afite abasirikare basaga miliyoni, ibifaru 5025 kajugujugu 201, amato 111, n’amato yo munsi y’amazi 76 nk’uko Global Fire Power ibitangaza.

JPEG - 98.9 kb
Ingabo za Koreya ya Ruguru mu myiyerekano

Izirwanira mu kirere…?

Igisirikare cya Koreya ya Ruguru (NKAF) gifite indege zikabakaba 1000 izifite ubukana muri zo ni iza MiG-29 zaguzwe muri Leta Zunze Ubumwe z’Abasoviyeti na MiG-21 zaguzwe muri Kazakhstan mu 1999.

Daily Mail ivuga ko USA ifite indege zibarirwa muri 250 mu gace ka Koreya ya Ruguru, inyinshi zikaba mu Buyapani; hari kandi ubwato butwara indege bwitwa USS Ronald Reagan buhora i Yokosuka mu Buyapani.

JPEG - 55.9 kb
Pukungsong 2 nayo ishobora kwangiza ibirindiro bya USA mu nyanja ya Pacific

Ibindi birindiro by’indege za gisirikare bya USA biri i Guam, bifite indege zikomeye zirimo B52 , muri Koreya y’Epfo bifite indege za 70 F-16; A-10 , indege z’ubutasi …

Amato

Ingabo zirwanira mu mazi nizo zifite intege nke mu mashami atatu agize igisirikare cya Koreya ya Ruguru. Ariko ziri muri nke ku Isi zifite ubwato bwinshi burwanira munsi y’amazi dore ko zifite 70.

USA ifite “Seventh Fleet” ishami rigizwe n’amato ari hagati ya 50 na 70, ubwato burwanira munsi y’amazi n’abasare 20 000 mu nyanja y’u Buhinde na Pacific.

Ni inde watsinda intambara irose? Tubitege amaso…

JPEG - 56.3 kb
N. Korea ifite ibifaru bisaga 3000
atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE