2017-11-18 15:01:27 clouds 27o High | Kigali Rwanda

Dukurikire:
 
 

Abagore bahabwe umwanya mu buyobozi bw’inzego z’imikino - Minisitiri w’Intebe

Yanditswe na

Kuya 2017-08-10 06:24:18

 
Share on:
 
Yasuwe:85
 
Yavuzweho:200
 
10
 
10

Minisitiri w’Intebe, Anastase Murekezi yasabye ko abagabo n’abagore bafatwa kimwe mu rwego rwo gufasha abagore gutera imbere mu buyobozi bwa komite z’imikino no kuyitabira.

Yabitangaje ejo hashize ubwo yafunguraga ku mugaragaro inama ya kabiri yiga ku buryo abagore bo mu bihugu byo ku mugabane wa Afurika na Aziya yagira uruhare mu buyobozi n’iterambere ry’imikino kuri iyo migabane isa n’aho isangiye amateka.

Murekezi yavuze ko kugeza ubu inzego za siporo mu bihugu byo ku mugabane wa Asia na Afurika hakirimo icyuho haba mu buyobozi bw’inzego no mu mikino ubwayo.

Ati “Imibare yo muri 2017 yashyizwe ahagaragara na komite mpuzamahanga y’umupira w’amaguru yerekana ko abagore bafite gusa 17% by’inama y’ubuyobozi bw’imikino na 20.7% mu nzego z’imiyoborere.

JPEG - 203.9 kb
Minisitiri w’Intebe Murekezi Anastase (Foto James R)

Abagore n’abagabo bakwiye gufatwa kimwe muri buri kimwe, igihe cyose, ndashaka kubasaba mwebwe kugira inama guverinoma z’ibihugu bya Afurika na Asia, sosiyete sivile, abagore n’abagabo baho ukuntu bashobora kuzamura birushijeho umugore mu rwego rw’ubuyobozi bw’imikino no kuyitabira.”

Yasabye abagore nabo ku ruhande rwabo kuzamura ubumenyi mu buryo bushobora gufasha za Leta kugira ngo bashobore guhanganira iyo myanya y’ubuyobozi muri siporo no mu yindi mirimo.

Umuyobozi uhagarariye Loni mu bihugu byo mu burasirazuba n’Amajyepfo y’umugabane wa Afurika, Izeduwa Derex- Briggs yavuze ko kugeza ubu abagore bumva akamaro ka siporo kuko ituma biyumvamo ubushobozi mu buyobozi n’imirimo benshi batekerezaga mbere ko igenewe abagabo gusa.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE