2017-12-11 11:00:24 clouds 27o High | Kigali Rwanda

Dukurikire:
 
 

Kagame yatowe kubera gahunda ze nziza - Amb. w’u Bubiligi ucyuye igihe

Yanditswe na IMVAHO NSHYA

Kuya 2017-08-09 06:51:15

 
Share on:
 
Yasuwe:327
 
Yavuzweho:200
 
10
 
10

Uhagarariye u Bubiligi mu Rwanda, Amb. Arnout Pauwels, yatangaje ko amatora y’Umukuru w’Igihugu yabaye mu Rwanda ku ya 4 Kanama 2017 yagenze neza, kandi ko Abanyarwanda batoye Paul Kagame bashingiye kuri gahunda nziza abafitiye.

Amb. Arnout Pauwels yabitangaje ejo hashize ku wa 8 Kanama 2017 mu Nteko Ishinga Amategeko nyuma yo kwakirwa na Perezida wa Sena Bernard Makuza.

Yavuze ko amatora aherutse kuba mu Rwanda yabaye mu mutuzo, ku buryo yari nta makemwa, nk’uko n’izindi ndorerezi zo mu miryango inyuranye zabitangaje.

JPEG - 162.7 kb
Perezida wa Sena yakira Ambasaderi Arnout

Akomeza avuga ko Perezida watowe, Abanyarwanda bamuhisemo bashingiye kuri gahunda nziza abafitiye kandi zizakomeza kubagirira akamaro mu bihe biri imbere.

Ibi byagarutsweho na Perezida wa Sena Bernard Makuza ubwo yavugaga ku byo baganiriye, ati “Ambasaderi yagaragaje ko n’amatora mu gihugu yagenze neza, abishingiye ahanini yuko umukandida watowe, ari uko Abanyarwanda basanze abafitiye gahunda nziza, kandi ishingiye ku byubatswe.”

Amb. Arnout Pauwels yavuze ko amatora y’Umukuru w’Igihugu yaranzwe n’ubwitabire bw’abaturage, avuga ko nyuma yo gusoza manda ye aho azajya hose azakomeza kuba umuvugizi utanga ingero z’ibyiza u Rwanda rwagezeho.

Yasobanuye ko we na Perezida wa Sena baganiriye ku byo ibihugu byombi byanoza mu guteza imbere ubukungu no kureshya abashoramari bashobora gushora imari mu bihugu byombi, u Rwanda n’u Bubiligi.

Ati “U Bubiligi ni kimwe mu bihugu byahisemo gushyigikira gahunda ya Leta nko gushyigikira uburenganzira bw’abagore, aho Leta yafashe ingamba zo guteza imbere gahunda ya ‘HE FOR SHE’ yatangijwe n’Umukuru w’Igihugu, akazi kakozwe n’umushinga ‘Imbuto Foundation’, gahunda y’ubuzima bw’imyororokere n’izindi.”

Naho Perezida wa Sena, Bernard Makuza, yavuze ko ubusanzwe umubano w’u Rwanda n’u Bubiligi wifashe neza, akomeza avuga ko mu bindi baganiriye harimo gukomeza imikoranire n’icyo gihugu gifasha u Rwanda mu nzego z’ubuvuzi n’ingufu, bakaba baranavuze n’uburyo byatera iyindi ntambwe irushijeho.

Banaganiriye kandi ku kurwanya no guhashya ikibazo cy’iterabwoba cyugarije umugabane w’u Burayi n’uburyo bwo kugishakira umuti.

JPEG - 185.5 kb
Nyuma yaho Ambasaderi Arnout yakiriwe na Perezida w’umutwe w’Abadepite, Donatille Mukabarisa


TWAGIRA WILSON

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE