2017-09-20 12:30:19 clouds 27o High | Kigali Rwanda

Dukurikire:
 
 

Abanyarulindo basabwe gushyigikira Kagame mu rugendo rw’imyaka7 y’iterambere

Yanditswe na IMVAHO NSHYA

Kuya 2017-08-07 10:34:26

 
Share on:
 
Yasuwe:25
 
Yavuzweho:200
 
10
 
10

Ubuyobozi bw’Akarere ka Rulindo burashimira abaturage uburyo bitabiriye amatora ya Perezida wa Repubulika, bugasaba ko bakomeza gutanga umusanzu wo kubaka igihugu muri manda y’imyaka irindwi Paul Kagame agiye kuyobora.

Kayiranga Emmanuel, meya w’akarere ka Rulindo, yashimye uburyo abaturage ayoboye baserukanye umucyo mu kwamamaza umukandida w’umuryango FPR Inkotanyi.

Yagize ati ‘‘Ndashimira Abanyarulindo uburyo bitabiriye kwiyamamaza kw’abakandida batandukanye bakumva imigabo n’imigambi, bakihitiramo umukandida bifuza bitewe ni uko babyumva’’.

Yabasabye gukomeza guharanira kwiteza imbere bagafatanya n’umukuru w’igihugu gukomeza kubaka ahazaza h’u Rwanda.

Ati ‘‘Ndasaba Abanyarulindo gushyigikira umukuru w’igihugu batoye, kuko abaturage na bo bagira uruhare mu kwiteza imbere na we akazagera ku intego yihaye bafatanyije’’.

JPEG - 85.4 kb
Kagame ubwo yiyamamarizaga i Rulindo

Ubwo yiyamamazaga mu karere ka Rulindo, Paul Kagame yabasabye gufatanya guhangana n’abashaka gusenya ibyo igihugu cyagezeho.

Icyo gihe yagize ati ‘‘Ba Nyarulindo mukomeze kwiteza imbere haba mu buhinzi n’ubworozi, ibikorwa remezo, tubyubakire hamwe tubirindire hamwe, twatojwe kubaka ntabwo ari ugusenya ahubwo turwanye abasenya’’.

Paul Kagame yakomeje ati ‘‘rubyiruko ni mwebwe dutezeho amaso kugira ngo muzakomeze inzira tumazemo iminsi ni inzira idashaka usigara inyuma aho buri wese asabwa umusanzu we, kumva tugakora byubaka igihugu cyacu ni byo duteze ku abanyarulindo, dufite ubushake bwo gukora twese 100% tugomba kubigeraho, 100% yo gutora bivamo 100% yo gukora’’.

Abanyarulindo batoye Paul Kagame ku ijanisha rya 98.8% mu gihe ku rwego rw’igihugu yatowe ku ijanisha ryari 98.50%, abandi bakandida bari bahanganye ari we Dr Frank Habineza watanzwe na Green Party na Mpayimana Philippe babonye buri umwe amajwi ari munsi ya 1%.
Basanda Ns Oswald

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE