2017-12-11 14:03:29 clouds 27o High | Kigali Rwanda

Dukurikire:
 
 

Kagame yashimiye Abanyarwanda bamugiriye icyizere cyo kuyobora indi myaka 7

Yanditswe na IMVAHO NSHYA

Kuya 2017-08-05 05:11:59

 
Share on:
 
Yasuwe:848
 
Yavuzweho:200
 
10
 
10

Nyuma yo gutsinda amatora y’umukuru w’igihugu yo ku wa 4 Kanama 2017, Paul Kagame yashimiye abantu bose bamufashije kuva muri referandumu yo muri 2015 kugeza ku ntsinzi.

Mu ijambo yavugiye ku cyicaro gikuru cy’umuryango FPR Inkotanyi mu ijoro rishyira kuri uyu wa Gatandatu, yashimiye abamufashije cyane mu bikorwa byo kwiyamamaza, byasojwe n’intsinzi, ashimira n’abanyamuryango ba FPR.

Yagize ati “ Ndashimira cyane abayobozi, abayoboke, intore z’umuryango FPR Inkotanyi mwese ndabashimiye cyane. Intsinzi ni iyanyu, ni amateka asanzwe ya FPR Inkotanyi ihangana n’ibibazo yahanganye n’ibibazo byinshi ariko tukaba dukomeza gutera imbere tukaba tugejeje aha tuhigejeje ndetse tuhagejeje n’igihugu cyose dufatanyije.”

JPEG - 289.2 kb
Abayoboke ba FPR Inkotanyi bizihije intsinzi ya Paul Kagame

Kagame kandi yashimiye abayoboke b’imitwe ya politiki umunani yari ifatanyije na FPR Inkotanyi kumushyigikira n’abashyigikiye abakandida babiri bari bahanganye.

Yakomeje ati “Ntabwo nakwibagirwa gushimira umuryango wanjye nabo ni Inkotanyi. Abana b’inkotanyi nabo abari ari zo, ndakurikizaho gushimira abantu bari hano batari bake baduherekeje aho twagiye hose ndetse nta nubwo basize imiryango yabo inyuma nabo bazanye n’imiryango yabo aho tugiye hose buri karere nabo babaga bahari, ndabashimiye cyane.”

Yongeyeho ko azirikana cyane abikorera bateye inkunga amatora kugira ngo agende neza , urubyiruko n’abateguraga ibikorwa byo kwiyamamaza bigakorwa ku murongo no mu mutuzo, urwaye akavurwa , abadafite intege nke bakagobokwa.

Ati “Ntabwo nakwibagirwa gushimira abahanzi, abaririmbyi, batubaye hafi igihe cyose ahari imbeho bakatumara imbeho, ahari hashyushye bakahashyusha kurusha. Hari ndetse n’abanyamakuru baba abo mu gihugu, abo hanze, baba abo bose bakora imirimo itandukanye, abafotora, abakoresha imbuga nkoranyambaga ndetse ibyabaga byose muri iki gikorwa cy’amatora nta hantu bitabaga bigera ku isi muri uwo mwanya bibereyeho.”

Kagame, yasobanuye ko Abanyarwanda ari bo bamusabye kongera kubayobora ndetse bakaba ari bo bujuje isezerano ryabo ryo kuzamutora. Yavuze ko byavuzweho byinshi cyane n’abanyamahanga babinengaga ariko kubera ubushake bw’Abanyarwanda amajwi y’abanengaga akaba impfabusa.

Yongeyeho ko mu myaka iri imbere Abanyarwanda basabwa gukora cyane, bagahangana n’ibibazo bibugarije, ariko ikiruseho bakarushaho kunga ubumwe berekana ko bashoboye kwigeza kuri byinshi uko babyifuza.

Amajwi y’ibanze angana na 80 y’abatoye yagaragaje ko Paul Kagame yatsinze ku majwi 98,66%, Mpayimana Philippe akagira 0.72% naho Frank Habineza akagira 0.45%.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE