2017-09-22 08:28:25 clouds 27o High | Kigali Rwanda

Dukurikire:
 
 

Abanyarwanda bagiye kuzanirwa uburyo bushya bwo kwishyura na camera ya telefoni

Yanditswe na IMVAHO NSHYA

Kuya 2017-08-03 08:14:44

 
Share on:
 
Yasuwe:335
 
Yavuzweho:200
 
10
 
10

Ikigo mpuzamahanga cy’ikoranabuhanga rijyanye n’imari, Visa Inc. cyatangaje ko kigiye gutangiza uburyo bwo kwishyura hakoreshejwe uburyo bwa QR Code, mu bihugu birimo n’u Rwanda mu minsi iri imbere.

Ubwo buryo bugizwe n’agashushanyo k’amabara y’umweru n’umukara gafite akamaro nk’akumubare w’ibanga (code) kagaragara ku bicuruzwa bitandukanye. Umuntu azajya akoresha telefoni ye igezweho, agafotore, ubundi amafaranga y’ikiguzi ahite avanwa kuri konti ye muri banki.

JPEG - 86.8 kb
Ikoranabuhanga rya QR Code rizatuma ntawongera kugendana amafaranga cyangwa ikarita agiye guhaha

Mu itangazo Visa yashyize ahagaragara, Sam Shrauger, ushinzwe ikoranabuhanga, yavuze ko batangiye ibiganiro na za guverinoma ndetse na banki nkuru z’ibihugu kugira ngo ubwo buryo bworoshye bwo kwishyura butangire gukoreshwa mu gihe gito.

Ati “Ni uburyo bugaragaza impinduka zikomeye mu kwishyura ibicuruzwa no kutagendana amafaranga mu mufuka. Twatangiye ibiganiro n’ibihugu bikiri mu rugendo rw’iterambere kugira ngo dutangize ako gashya kazageza Isi ku mutekano, aho umuntu atazongera kwibwa amafaranga yajyanye guhaha.”

Ubwo buryo bushya buzakorana n’utumashini dusanzwe twa mVisa twishyurirwaho umuntu acometsemo ikarita ye yo kubikuza, ATM.

JPEG - 34.1 kb
Aka gashushanyo kaba ku bicuruzwa niko umuntu azajya afotora ubundi abe yishyuye

Aho gucomekamo ikarita, umuntu azajya afungura apulikasiyo iri muri telefoni ye, afotore QR Code iri ku gicuruzwa ubundi umucuruzi ahite abona ubutumwa bwemeza ko amafaranga yageze kuri konti ye, ndetse n’umukiriya abone ubumwereka ko amafaranga yavuyeho.

Iryo koranabuhanga kandi ntirizasaba ko umucuruzi n’umukiriya baba bakoresha banki imwe.

Visa yamaze kwinjiza ubu buryo muri banki 33 ndetse no mu bacuruzi basaga 328 000 bo muri Kenya, u Buhinde na Nigeria.

Mu Rwanda, Visa iteganya kuzahita ikorana n’amasoko manini nka Nakumatt, Simba Supermarket, Sawa Citi, amahoteli ndetse n’abacuruzi basanzwe.

Uretse u Rwanda iri koranabuhanga rizinjizwa no muri Cambodia, Egypt, Ghana, Indonesia, Kazakhstan, Malaysia, Pakistan. Tanzania, Uganda, Thailand na Vietnam.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE