2017-09-20 12:30:19 clouds 27o High | Kigali Rwanda

Dukurikire:
 
 

Amafoto : Abanyarwanda hafi 45 000 bari mu mahanga bitabiriye amatora

Yanditswe na IMVAHO NSHYA

Kuya 2017-08-03 06:01:37

 
Share on:
 
Yasuwe:694
 
Yavuzweho:200
 
10
 
10

Abanyarwanda bari mu mahanga bagejeje igihe cyo gutora, amatora y’Umukuru w’Igihugu, kuri site 98 hirya no hino ku Isi.

Umunyamabanga Nshingwabikorwa wa Komisiyo y’Igihugu y’Amatora, Munyaneza Charles, yabwiye Imvaho Nshya ko abaratora ari 44 362 ariko ko mu bihugu bimwe na bimwe nta matora ahabera.

Ati “Muri Repubulika Iharanira Demokarasi ya Kongo no mu Burundi, ni bimwe mu bihugu bitaberamo amatora ku Banyarwanda bahabarizwa.”

Ariko ku ya 1 Kanama 2017, yari yizeje ko abazifuza kuza gutorera mu Rwanda bava muri biriya bihugu biteguye gufashwa bagahabwa ibyangombwa kugira ngo boroherezwe.

JPEG - 56.9 kb
I New York Muri Leta Zunze Ubumwe za Amerika, ahagana saa tatu z’igitondo, benshi bamaze gutora
JPEG - 101.8 kb
Muri Ethiopia, byatangiye haza bake bake, biza kurangira babaye benshi, bajya ku mirongo
JPEG - 86.2 kb
Muri Sudani naho bishimiye kwitorera umuyobozi bihitiyemo
JPEG - 80 kb
Nyuma yo gutora umukuru w’igihugu, Abanyarwanda baba mu Misiri bafashe ifoto y’urwibutso
JPEG - 98.6 kb
Ambasade y’u Rwanda muri Uganda ivuga ko abahatoreye barenga ibihumbi bibiri
JPEG - 101.8 kb
Ambasaderi w’u Rwanda muri Sweden ’Yatoye’
JPEG - 110.4 kb
Muri Uganda, Abanyarwanda babarirwa mu 2000 bitabiriye amatora, nibo benshi ugereranyije no mu bindi bihugu byabereyemo amatora
JPEG - 83.6 kb
Uganda ibamo Abanyarwanda benshi, bajyayo bagiye mu bucuruzi, kwiga n’ibindi bibabyarira inyungu

JPEG - 56.7 kb
Umunyarwanda uba muri Cameroon arishimira ko amaze gutora uzamuyoborera igihugu
JPEG - 111.9 kb
Abanya Ethiopia batandukanye baramutse babanza kwitorera umukuru w’igihugu mbere yo kujya mu mirimo
JPEG - 58.7 kb
Muri Afurika y’Epfo bari mu bazindutse cyane bitabira amatora ya Perezida wa Repubulika
JPEG - 86.6 kb
Muri Kenya, bazindukiye ku biro by’itora mu mujyi wa Nairobi ari benshi
JPEG - 40.8 kb
Umunyarwanda wo muri Zambia ashyira urupapuro rw’itora mu gasanduku kabugenewe
JPEG - 95.9 kb
Ibiro by’itora muri Angola
JPEG - 71.4 kb
Abatoye muri Kenya biganjemo urubyiruko, ndetse harimo n’abihayimana
JPEG - 72.2 kb
Ambasaderi w’u Rwanda mu Bubiligi, Olivier Nduhungirehe, yatangaje ko mu gitondo cya kare, ibiro by’itora byari byamaze kwitegura kwakira Abanyarwanda bashaka kwitorera umukuru w’igihugu
JPEG - 69.5 kb
Muri Koreya y’Epfo, I Seoul nabo babyutse batora dore ko amasaha y’aho ahabanye cyane n’ayo mu Rwanda

Amatora ya Perezida wa Repubulika ku bari imbere mu gihugu ateganyijwe ejo ku wa Gatanu tariki ya 04 Kanama 2017. Muri rusange, Abanyarwanda 6 897 076 barimo na bariya 44 362 bari mu mahanga akaba ari bo bujuje ibisabwa, ni bo bazitabira amatora.

JPEG - 49.2 kb
Abo mu bihugu bya Scandinavia (Norway, Sweden na Denmark) nabo ntibatanzwe, iyi ni lisiti y’ibiro batoreraho n’amasaha biraba bifunguye

Iki gikorwa cy’amatora cyabanjirijwe n’igikorwa cyo kwiyamamaza kw’abakandida bahatanira umwanya w’Umukuru w’Igihugu, cyatangiye ku ya 14 Nyakanga, gisoza ejo hashize ku ya 2 Kanama 2017.

JPEG - 71.4 kb
Akanyamuneza ni kose ku Banyarwanda bo muri Koreya y’Epfo bamaze gutora

SEZIBERA ANSELME & HERVE UGIRUMUKUNDA

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE